Esmorga resposta com luita e festa à tentativa institucional de clausurar o local social

O encerramento do local social ourensano A Esmorga está a desatar umha vaga de solidariedade e apoios na cidade auriense. A título de prova, apontar a manifestaçom convocada para este sábado 10 a partir das 19:00 h. que sairá da porta do centro social clausurado pola Polícia local a iniciativa do governo municipal de Ourense. Aliás, resenhar também o Concerto solidário convocado para esse mesmo dia a partir das 22:30 h. na Sala Loops de Ourense e no que participarám Gigante Verde, Guezos, Greska e Skárnio. De Ceivar convidamos a assistir a estes actos que fam parte da necessária resposta social às práticas proibicionistas e repressivas do concelho de Ourense contra toda forma de autoorganizaçom popular. No linque inferior pode-se alargar a informaçom a respeito do encerramento arbitrário do Local Social A Esmorga, assim como assinar em defesa desta iniciativa e a sua pronta reabertura.