Ciberforo oficial da Polícia chama a “abrir a mente a gomaços a tanto tarado e imbécil”

Pola boca morre o peixe. O dito popular é aplicável ao ‘Foro de la Policía Nacional’, um sítio web onde se exprimem livremente agentes da Polícia espanhola e pertence à Confederaçom Espanhola de Polícia (CEP). Segundo informa no seu web o Movimento polos Direitos Civis, a citada página demonstra “que nom existiu umha modernizaçom real” do corpo repressivo e questiona a “profissionalidade” dos seus agentes. Umha vista de olhos superficial aos conteúdos do web convida a pensar que o problema é muito mais grave e profundo do que pode adivinhar qualquer visom restritamente juridicista. As diagnoses mais preocupantes a respeito da catadura moral e a funçom político-social d@s integrantes da Polícia espanhola confirmam-se numha página onde conteúdos altamente antidemocráticos se publicam sem qualquer tipo de restriçom. Assim, a título de exemplo, @s participantes asseguram que “o melhor que figem na polícia é estar na UIP –‘antidistúrbios’- e abrir a mente a gomaços a tanto tarado e imbécil”. Afirmaçons similares aparecem pedindo a execuçom de Arnaldo Otegi, parabenizando-se dum caso de tortura, ou convidando quem nom quiger ser objecto de lesons nom participe em manifestaçons (!). A eloquente expressividade d@s agentes que participam no citado foro exprime mais do que qualquer versom oficial qual é o ‘discurso oculto’ e, portanto, isento de reprovaçom e mais sincero, que se maneja entre quem, formalmente, som os responsáveis da protecçom dos direitos e liberdades da cidadania galega.