Convocadas de urgência por Ceivar trás a detençom do militante independentista R. L. Q. ontem em Ourense por efectivos da Guarda Civil, mais de um cento de pessoas se concentrárom nos actos anti-repressivos e assembleias informativas celebradas nos centros sociais galegos. O organismo anti-repressivo distribuiu em todos os actos umha folha informativa onde se explicárom os factos concretos e a valorizaçom política que fazemos da continuidade da ‘Operación Castiñeira’. Assim, 65 pessoas concentrárom-se na Praça do Ferro de Ourense; 50 na Praça do Toral em Compostela; 15 perante o Obelisco corunhês; 10 na assembleia informativa celebrada no local social Revolta de Vigo; no centro social Alto Minho de Lugo fôrom informadas as pessoas que nesse momento se encontravam no mesmo; por último, em Ponte Vedra fijo-se um reparto da brochura informativa editada especificamente para denunciar a detençom e a continuidade da ‘Operación Castiñeira’. Em Vigo, trás a assembleia informativa, militantes de Ceivar e pessoas solidárias elaborárom faixas e cartazes para colocar na cidade olívica. Embora as cifras das concentraçons anti-repressivas de ontem som cativas no quantitativo, consideramos que esta afirmaçom deve ser relativizada dado que as convocatórias se realizárom em escassas horas e sem espaço para um maior esforço organizativo. Aliás, valorizamos muito positivamente a imediatez da resposta e a sua dimensom territorial, o que permitiu socializar a nossa leitura sobre a escalada repressiva na que nos encontramos.