Guarda Civil espanhola trata de impor pola violência a aprovaçom do PGOM de Nigrám

Esta manhá a Guarda Civil espanhola deu no Vale Minhor mais umha mostra de a que interesses sirve e que meios utiliza para efectivar este serviço. Agentes do corpo repressivo de direcçom militar personárom-se armados na câmara municipal de Nigrám, atacárom com gases lacrimógenos @s vizinh@s que se opunham à aprovaçom do PGOM e filmárom com câmaras de vídeo @s concentrad@s. O web http://www.valminor.info oferece umha ampla e detalhada informaçom sobre o transcurso dos factos ao longo da manhá de hoje. A aprovaçom do PGOM de Nigrám enquadra-se numha tentativa muito mais ampla da que fai parte o PGOM viguês de entregar a promotoras e construtoras amplas superfícies da conhecida como ‘Área Metropolitana’ de Vigo. A urbanizaçom selvagem do rural, sem critérios sociais nem ambientais, e a promoçom da turistificaçom da comarca som o pano de fundo desta situaçom. Segundo informa o web do Vale Minhor, a convocatória dum pleno municipal destinado a aprovar o plano urbanístico para as 9:00 h. de hoje nom foi obstáculo para umha maciça presença vicinal. Pedras, patacas, ovos, etc. voárom sobre as cabeças dos concelheiros de PP e PINN implicados no projecto filoempresarial. Efectivos do instituto armado espanhol, competente policialmente no Vale Minhor, onde nom há presença formal de Polícia espanhola, disparárom botes lacrimógenos sobre @s manifestantes que lográrom aceder à câmara municipal e blindárom esta ao acesso da vizinhança. Umha rapaça resultou muito afectada ao disparar um guarda civil os gases lacrimógenos a escassa distáncia da sua pessoa. Recordar como dado significativo que todas as associaçons vicinais do termo municipal rechaçam o PGOM, que conta também com a oposiçom de BNG e PSOE. Segundo o web citado, @s cargos institucionais precisarám de escolta dos agentes da repressom para abandonar a câmara. Convidamos a seguir a informaçom sobre a actividade violenta da Guarda Civil em Nigrám através desta página que informa pontualmente da evoluiçom dos acontecimentos.