Bases Democráticas Galegas organiza foro de debate sobre a reforma estatutária

O nosso organismo fai parte dum movimento sócio-político muito mais extenso definido na luita polos objectivos estratégicos de plena soberania nacional para a Galiza e justiça social. É este o motivo do nosso apoio ao e a difusom do foro que as Bases Democráticas Galegas organizam o vindouro sábado 3 de Junho em Compostela sob a legenda ‘A Reforma estatutária a debate’. O encontro público que organiza esta iniciativa que tem entre os seus pontos mínimos “Democracia real e participativa. Cessamento do recorte das liberdades” constará de três mesas nas que se analisarám os Estatutos de Autonomia aplicados a umha parte do nosso País em 1936 e 1981 e a necessidade dum novo estátus jurídico-político para a Galiza sobre a base do reconhecimento e o exercício do direito de Autodeterminaçom, hoje usurpado pola Constituiçom espanhola de 1978. Recordamos que as BDG desenvolvem nos últimos meses umha campanha nacional sob a legenda ‘Estatutos Nom. Autodeterminaçom’ como contestaçom ao processo de reforma estatutária. A continuaçom anexamos o programa íntegro do foro autodeterminista e no pé da notícia o linque para ligar com a página web das Bases Democráticas Galegas. Foro ‘A Reforma estatutária a debate’ Sábado 3 de Junho de 2006 Paraninfo da Universidade de Santiago de Compostela O Estatuto de 1936 10:30 horas Isaac Diaz Pardo Xusto González Beramendi Avelino Pousa Antelo Ramón Villares O Estatuto de 1981 12.30 horas Camilo Nogueira Fernando Solla Xesus Veiga Reforma estatutária, autodeterminaçom e movimentos sociais 17:00 horas Antolín Alcántara, sindicalista da CIG Pedro Alonso, activista ecologista Bráulio Amaro, coordenador das Bases Democráticas Galegas Celso Comesaña, activista do movimento vicinal Antón Dobao, activista cultural Domingos Antom Garcia, professor de Filosofia Laura Ogando, militante de MNG