Ugio Caamanho recupera a possibilidade de ser visitado por companheir@s

A partir do dia de hoje, o preso independentista galego Ugio Caamanho pode ser visitado nom apenas por familiares, mas também por companheir@s e amig@s. A medida vem subsanar parcialmente a situaçom em que se encontrava trás a sua transferência para o cárcere espanhol de Cáceres, umha vez que as visitas lhe foram restringidas apenas às pessoas com as que mantém umha relaçom de parentesco familiar. A rectificaçom de Instituiçons Penitenciárias supom que, além da família directa, o preso político galego terá direito a ser visitado semanalmente durante 45 minutos por pessoas que integram umha lista de dez autorizadas que se renova cada trimestre. No entanto, as comunicaçons telefónicas do patriota galego com o exterior continuam vetadas dado que lhe foi retirada a nómina de telefones de que dispunha e deverá pedir jos_content autorizaçons a IIPP. Por parte de Ceivar chamamos a militáncia independentista a reforçar os laços de comunicaçom com o militante preso, apontando-se às listas de visitas e escrevendo para o centro penitenciário em que se encontra Ugio Caamanho.