Publicamos calendário de mobilizaçons para hoje trás a detençom do independentista R. L. Q.

Respostando à continuidade da ‘Operación Castiñeira’ e a detençom de militantes independentistas, o nosso organismo anti-repressivo convoca para hoje diversas concentraçons e actividades informativas em distintos pontos do País. Convidamos a leitor@s e voluntári@s das comarcas em que se convocam estes actos a colaborar para dar a máxima difusom aos mesmos, utilizando correios electrónicos, telefones móveis e apoiando a actividade de Ceivar durante as próximas horas. A respeito das assembleias informativas convocadas nalguns centros sociais, apontar que em funçom da assistência às mesmas decidirá-se a organizaçom ou nom de mobilizaçons de denúncia da detençom do independentista R. L. Q. A programaçom de actividades de resposta para esta tarde é a que segue. Corunha: concentraçom anti-repressiva no Obelisco a partir das 21:00 h. Compostela: concentraçom anti-repressiva no Toral a partir das 20:30 h. Vigo: assembleia informativa no Centro Social Revolta a partir das 20:30 h. Ourense: concentraçom anti-repressiva na Praça do Ferro a partir das 21:00 h. Lugo: assembleia informativa no Centro Social Alto Minho a partir das 21:00 h. Ponte Vedra: reparto de brochuras informativas na Praça da Peregrina às 20:00 h.