A detençom praticada esta manhá em Ourense foi por ordem governativa

Segundo as últimas informaçons de que dispomos, a detençom do militante independentista R. L. Q. esta manhá em Ourense foi realizada por ordem governativa, isto é, decidida polo próprio corpo repressivo que a pratica –neste caso, a Guarda Civil- e sem a intervençom do aparato judicial. Aliás, e a diferença das detençons ocorridas até ao momento, os efectivos militares nom registárom a morada particular do detido nem procedérom a expropriar as suas pertenças. À espera de que estes estremos se podam confirmar definitivamente, Ceivar convocou para esta tarde concentraçons e assembleias informativas em diversos pontos da naçom com a finalidade de denunciar a continuidade da ‘Operación Castiñeira’ e a imposiçom dum estado de excepçom de baixa intensidade sobre a actividade política independentista. Consultar a notícia inferior para conhecer as convocatórias da tarde noite.