IIPP requisa a lista de telefones do preso independentista Ugio Caamanho

Instituiçons Penitenciárias parece estar determinada a sabotar todas as vias de comunicaçom de que o preso independentista Ugio Caamanho pode dispor com o exterior. Junto à dispersom, a reduçom a dez do número de pessoas que podem visitar o militante galego, a imposiçom do regime de isolamento e a recente reduçom a duas do número de cartas que pode receber semanalmente, IIPP vem de requisar a lista de números de telefone dos contactos do preso galego. Embora solventável em breve prazo, o ‘sequestro’ da lista telefónica supom a impossibilidade de que o militante independentista poda comunicar com normalidade com amig@s e companheir@s apesar de desfrutar, formalmente, dum limitado número de chamadas semanais. Por parte do preso e do organismo anti-repressivo iniciárom-se os trámites legais necessários para ultrapassar esta situaçom irregular e claramente lesiva dos direitos penitenciários. Aliás, no momento de redigir-se esta breve crónica, as visitas de pessoas que nom fam parte da família directa do preso também se encontram paralisadas e temos informaçom de que parte do pecúlio (dinheiro) de que dispom o preso lhe foi substraido durante a mudança de cárcere. De Ceivar nom consideramos que esta situaçom se deva a qualquer ‘ineficácia administrativa’, mas a umha determinaçom consciente e programada por parte de Instituiçons Penitenciárias de dificultar todas as formas de comunicaçom a que tem direito o patriota galego recluido na prisom de Cáceres. Chamamos ao contorno afectivo, social e político a enviar maciçamente cartas e telegramas de apoio ao preso exigindo o respeito para os seus direitos como recluos e a sua transferência para um centro penitenciário espanhol situado na Galiza.