Condenam ao secretário comarcal da CIG da Corunha por alteraçom da ordem pública

O secretário comarcal da CIG da Corunha Paulo Carril foi condenado por alteraçom da ordem pública no pleno celebrado em Maria Pita em 7 de Junho de 2004. O juiz considera provado que Paulo Carril interrumpeu a sessom e chamou “palhaço”, e “fascista” a Francisco Vázquez, polo que lhe impom umha sançom de 300 euros. Na mesma sentencia o sindicalista Ernesto Lópes fica absolto polo mesmo delito ao nom ser reconhecido polos policias locais que actuarom como testemunhas no juízo. O governo local da Corunha apresentara-se como acusaçom particular contra os sindicalistas que participárom no protesto pola aprovaçom dum restritivo regulamento de participaçom cidadá. Francisco Vázquez foi qualificado na altura desde o público como “palhaço”, “ditador”, “mamporreiro” e “fascista” polo qual os dous sindicalistas fôrom processados em novembro de 2005 por “injúrias” e “alteraçom da ordem pública”. Na ligaçom inferior pode-se atopar mais informaçom