Os sindicatos anunciarom na assembleia celebrada onte dia 11 em Vigo a convocatória dumha manifestaçom para o dia 8 de junho contra a brutal repressom das mobilizaçons d@s trabalhador@s do metal o passado dia 8 de maio. Na mesma exigiram a demissom do subdelegado do governo espanhol em Ponte Vedra Delfin Fernández, que já começa a ser um clamor entre o colectivo operário. Onte mesmo dúzias de pessoas concentravam-se outra vez diante da subdelegaçom do governo em Ponte Vedra para exigir a demissom de Delfin Fernández. O mesmo Delfin Fernández qualificou a actuaçom policial de “oportuna, necessária e proporcionada” no I encontro Economia e Sociedade celebrado onte no ‘Club Financiero de Vigo’, e negou que fosse a dimitir do seu cargo. Diante de representantes de diversas organizaçons empresariais como o mesmo ‘Club Financiero de Vigo’ ou o ‘Círculo de Empresarios’ (este útimo de ideología ultraliberal e ultracapitalista) afirmou que a funçom das ‘forças de seguridade’ do estado era garantir os direitos e liberdades dos cidadans e velar polo ordem público. Ve-se que neste caso só se consideram ‘cidadans’ os integrantes da classe oligárquica, e a única liberdade a proteger é a derivada do aumento do ganho a costa da exploraçom d@s trabalhador@s.