Comunicado de Ceivar ante a repressom policial sobre @s trabalhador@s do metal em Vigo.

Difundimos o comunicado enviado aos médios de comunicaçom por parte do Organismo anti-repressivo Ceivar no dia de onte 8 de maio, diante da brutal repressom ejercida contra as reivindicaçons laborais dos trabalhadores do metal em Vigo. Desde o Organismo popular anti-repressivo CEIVAR queremos manifestar a nossa solidariedade e apoio para com os trabalhadores e trabalhadoras do metal em greve polo convénio colectivo na província de Ponte Vedra. Especialmente com aqueles que no dia de hoje fôrom agredidos físicamente e/ou detidos no ataque sofrido pola mobilizaçom obreira por parte das corpos repressivos de intervençom rápida. Mais umha vez temos que denunciar que o estado através destes corpos repressivos e para defender os interesses da patronal voltou empregar a violência física contra a classe obreira. Destacando-se a atitude vil dos mesmos que além de lesar ao menos umha dúzia de trabalhadores e contunsionar váriasdúzias deles mais, mesmo chegárom a, literalmente, atropelar um trabalhador que se encontrava na rua. O dirigente da patronal F. Alvarinho e a alcaidesa de Vigo Corina Porro nos dias prévios lançaram a consigna, M. Ameijeiras, delegado do governo na Galiza, hoje deu a orde: machucar aos obreiros para reduzir a sua capacidade de pressom na su luita por um convénio colectivo digno. Assinalamos estas personagens, Alvarinho, Porro e Ameijeiras junto ao governo que o nomeou como responsáveis máximos pola violência exercida hoje contra a classe obreira e da que se poda exercer nos próximos dias. Hoje voltou-se ver o que é a democracia espanhola, violência estrutural e física contra a classe obreira ou aqueles outros sectores que demandem na rua justiça e direitos. O Organismo popular anti-repressivo CEIVAR compromete todo o seu apoio ao colectivo de trabalhadores e trabalhadoras em greve pondo à sua disposiçom todos os recursos com os que conta. Ao tempo exigimos a posta em liberdade das trabalhadores detidos e o cessamento da repressom por parte do estado. 8 de maio do 2006