Brutal repressom sobre os trabalhadores do metal em Vigo.

Ao menos vinte feridos um deles de gravidade e trece detidos é o resultado do brutal ataque perpetrado polas forças da Policia espanhola às mobilizaçons dos trabalhadores do metal em Vigo. Os incidentes iniciarom-se quando o piquete dos trabalhadores pretendia chegar à estaçom do ferrocarril. A policia cargou indiscriminadamente disparando pelotas de goma directamente às pessoas ao tempo que davam malheiras a todo o que atopavam polo caminho, chegando a arrolar a um home com um dos seus vehículos. Após desta primeira carga iniciou-se umha persecuçom em grupos de várias furgonetas policiais desde onde a policia espanhola efectuava disparos de pelotas de goma em marcha. Na Praça de Espanha os anti-distúrbios protegidos com escudos batiam a quem tiveram diante. O resultado é de numerosos feridos, alguns com fortes golpes e fracturas e um traumatismo ocular. Ao mesmo tempo grupos de trabalhadores defenderom-se da agressom e improvissarom barricadas em diversos puntos da cidade. A Subdelegaçom do Governo espanhol asegura que nom houvo carga policial e que vários policias estam lesionados e 18 furgonetas presentam desperfectos. A falta de mais notícias adjuntamos a ligaçom dum vídeo que aparece no diário “El Mundo” na sua ediçom digital de hoje.