Estudantes de Bertamiráns mobilizam-se contra a presença policial no seu liceu

O rechaço silencioso existente ao despregamento policial iniciado em 10 de Janeiro nos centros educativos da CAG pode começar virar em protesto organizado. @s estudantes do IES de Bertamiráns (Ames) organizad@s em assembleia convocárom hoje dia 6 umha manifestaçom contra a presença policial nas redondezas do centro. Mais de 70 pessoas parárom a partir das 12:00 da manhá e manifestárom-se interrompendo o tránsito rodado ao grito de ‘Madeiros repressores, fora das escolas!’. @s estudantes repartírom umha brochura informativa sob a legenda ‘Polícia fora das escolas. Os madeiros contra nós e o estudantado contra eles’ na que se denuncia a situaçom criada perante a presença policial permanente. Assim, criticam “o estado paranoico que estám a criar entre os estudantes, com várias visitas ao dia” e denunciam as tentativas de conhecer “o compromisso político, social e cultural do alunado”. Aliás, asseguram que “se verdadeiramente procurassem a nossa segurança, aumentariam as ajudas para a mocidade e impulsionariam amplas actividades e nom nos aterrorizariam cada manhá na nossa jornada educativa”. A mobilizaçom descorreu sem incidentes e nom houvo intervençom policial.