O secretário comarcal de CIG Transportes Ernesto López Rei foi detido hoje quando fazia parte dum piquete informativo frente ao Hospital Sam Rafael da cidade da Corunha. Por volta das 6 da manhá o sindicalista foi arrestado pola Polícia espanhola, permanecendo na esquadra policial e sendo posto a disposiçom judicial sobre as 12:OO horas. Meio cento de trabalhadores do sector permaneciam concentrados perante os Julgados em solidariedade com López Rei. Segundo o responsável de Carreteras e Urbanos de UGT Galiza, Demetrio Chorén, López Rei nom participara em altercaçom qualquer, e a detençom tinha carácter polítco. Chorén também assegurou que o detido podia ter sido qualquera, ou todos os membros do piquete. Aliás, declarou que os factos som um atentado contra a liberdade sindical e contra os cargos sindicais, sendo a actuaçom policial premeditada dado que fôrom directamente a polo detido. A greve de ambuláncias é umha das medidas tomadas pol@s trabalhador@s sector em resposta à negativa do patronato a negociar o convénio galego. Denunciam incumprimentos gerais nas jornadas e nas questons de saúde laboral, sem que, como é habitual nestes casos, as autoridades fagam as inspecçons oportunas. Contrasta este facto com a intervençom de carácter repressivo contra @s empregad@s que participam na greve e a desproporcionada vigilância policial em forma de escoltas às ambuláncias.