A Comissom de Denúncia da Galiza vem de convocar umha concentraçom perante os julgados da Corunha. O motivo da mesma é exigir esclarecimentos e justiça por volta da morte do moço corunhês de 22 anos Diego Vinha Castro, falecido em extranhas circunstáncias no quartel da ‘Guardia Civil’ de Arteixo em Setembro de 2004. Segundo informa a Comissom, a prova policial que ajudaria a esclarecer as condiçons em que morreu Diego “desapareceu”. O organismo de denúncia dos abusos contra os direitos das pessoas em centros policiais e penitenciários exige “que se faga justiça” e convoca umha concentraçom para este 28 de Dezembro às 12:00 da manhá perante o edifício dos julgados na rua Monforte. Desde Ceivar chamamos a participar nesta mobilizaçom de denúncia dumha das 79 mortes ‘sob custódia’ policial e penitenciária que, segundo as estatísticas oficiais, se produziam no Estado espanhol em 2004. Exigimos que se esclarezam as causas e circunstáncias em que morreu o moço galego Diego Vinha e se depurem as responsabilidades correspondentes.