O bipartido PSOE-BNG tem demonstrado em mais de umha ocasiom o seu interesse na configuraçom dum corpo policial próprio para o âmbito da CAG. Segundo informaçom de agências publicada hoje, a unidade da Polícia espanhola adscrita à administraçom autonómica passaria de ter 350 e 500 agentes para primeiros de 2006. O dado foi anunciado polo vazquista e titular de Presidência Méndez Romeu (PSOE) que assegurou que este é um passo relavante face a criaçom da Polícia Autonómica. “Com este incremento já estariamos em condiçons óptimas para abordar o novo marco legal”, afirmou Méndez. O alto funcionário apontou aliás que “a segurança pública na Galiza está magnificamente garantida pola Guardia Civil e a Polícia” espanhola, mas seria necessário o novo corpo para “aqueles serviços que a experiência destes anos demonstrou que funcionariam melhor sob dependência autonómica”. Sobre a posiçom da futura Polícia Autonómica no desenho policial da CAG, Méndez Romeu assinalou que desempenhará as suas funçons “dentro da estrita coordenaçom com as forças e corpos de segurança do Estado”. O titular de Presidência assistia ontem na capital galega à entrega de seis turismos, quatro todo-terrenos e quatro monovolumes à unidade da Polícia espanhola adscrita às instituiçons da CAG através dum investimento de 340.000 euros.