A Guardia Civil ocupa Cela Nova perante a posta a disposiçom judicial de Maria B. F.

Segundo nos acabam de informar voluntários de Ceivar em Ourense, a Guardia Civil ocupa esta manhá a vila de Cela Nova dentro da parafernália repressiva despregada na operaçom policial contra a AMI e perante a posta a disposiçom policial de Maria B. F., militante da citada formaçom juvenil detida ontem, por segunda vez consecutiva numha semana, e acusada agora de sabotar a construçom dumha minicentral hidroeléctrica na Merca. Militantes do organismo concentrárom-se a meia manhá perante os julgados, despregando umha faixa em que se denuncia a continuidade da montagem policial baptizada pola Guardia Civil como “Operaçom Castinheira” e iniciada a segunda-feira 14 de Novembro. Dizer também que umha trintena dos popularmente conhecidos como “picoletos” e um número incontável de agentes à paisana rodeárom o edifício judicial criando um clima de “alarme social” artificioso, destinado a criminalizar a independentista galega, vulnerar a sua presunçom de inocência apresentado-a com antelaçom à sua declaraçom como “perigosa terrorista” e presionar o juíz que instrue o caso para que, eventualmente, decrete um ingresso em prisom preventiva da patriota galega. De Ceivar queremos denunciar como, por parte da Guardia Civil, se está a criar um clima de insegurança, criminalizaçom permanente e pressom repressiva sobre a militáncia independentista em geral e, particularmente, sobre a militáncia da AMI, através do anúncio de jos_content detençons difundidas desde a mídia. Chamamos todas as pessoas e entidades a denunciar nos seus respectivos círculos o presente processo repressivo e assistir às mobilizaçons convocadas para esta tarde e outros actos que se podam programar e dos que seguiremos dando informaçom nesta página e através de webs amigos como Indymedia Galiza e galizalivre.org. Maria liberdade! Nom som terroristas, som independentistas! Defender a Terra nom é delito! Guardia Civil fora da Galiza!