Mais de 200 pessoas mobilizárom-se ontem no recebimento d@s dez independentistas detid@s a passada semana pola Guardia Civil. O acto organizado polo nosso organismo constiu numha mobilizaçom que partia às 17:30 da Praça do Toral rematando na Praça de Sam Roque. No percurso da mobilizaçom coreárom-se palavras de ordem denunciando a montagem policial, o carácter político da Audiência Nacional e a prática da tortura pola Guardia Civil. A mobilizaçom rematou com a leitura dum comunicado por parte da AMI agradecendo a solidariedade d@s presentes e manifestando a sua determinaçom a “continuar a luita” apesar da repressom. Trás cantar-se o hino nacional, celebrava-se umha rolda de imprensa aberta ao público no local social O Pichel, assaltado a semana passada pola Guardia Civil. Durante a mesma, dou-se leitura a um comunicado do nosso organismo e @s independentistas detid@s respondérom às perguntas dos meios que dérom um seguimento informativo inabitual à mobilizaçom e posterior rolda de imprensa.