Dous independentistas som julgados em Ponte Areas (O Condado)

Coincidindo com o 11 de Outubro, Dia da Galiza Combatente, dous independentistas eram julgados esta manhá na vila de Ponte Areas. Os processados pertencem à assembleia comarcal de NÓS-UP do Condado e os factos julgados remetem para 24 de Fevereiro passado, quando onze estudantes despregavam umha faixa com a legenda “Nom à promoçom do ensino privado” numha entrega de prémios no Colégio Santiago Apóstolo. O actual responsável da formaçom política, Abraám A. P., fazia parte das pessoas concentradas e foi acusado, junto com o outro independentista processado, de encabeçar a protesta estudantil. A resultas do protesto desenvolvido em Fevereiro, vários agentes da Guardia Civil agrediam @s moç@s independentistas de entre 14 e 19 anos, provocando o ingresso num centro sanitário com contusons no cránio de um dos participantes e tentando dar umha malheira sem testemunhas a outro dos retidos. O processo está visto para sentença.