Bem-vindo à Terra, José!

jose_livreOntem pola tarde, quarta-feira 12 de dezembro, abandonava a cadeia de Mansilla de las Mulas (León) o patriota galego José Manuel Sanches após cumprir a condena íntegra de quatro anos de prisom. Esta informaçom foi adiantada na web da Plataforma Cidadá Que Voltem à Casa e ilustrada com umha emotiva imagem dum Jose contente acompanhado por familiares e amizades.

Jose fora condenado juntamente com o seu companheiro Sánti Vigo, acusados de umha sabotagem frustrada contra interesses imobiliários no litoral galego. Embora em primeira instáncia a Audiência Nacional os condenou a seis meses de cadeia por “danos em grau de tentativa”, o recurso do fiscal ao Tribunal Supremo resultou numha condenaçom a quatro anos por “posse de explosivos”, motivo polo que tivérom que voltar à cadeia depois de saírem em liberdade após juízo.

De Ceivar queremos expressar a nossa alegria e parabenizar ao Jose e família por esta nova que acontece numha grande semana na que, ademais do acontecimento da liberdade do Júlio na segunda-feira, aguardamos com impaciéncia a saída do Sánti, prevista para esta sexta-feira, e do Koala, que pode ficar em liberdade previo pagamento de umha fiança de 6.000€ que se estam juntando mediante achegas solidárias na conta 2080-5100-12-3000120764 de Novagalicia Banco.