09/04/2008 - O globo de acusaçons lançado pola Polícia espanhola contra sete activistas da Causa Galiza e arejado mediaticamente nestes dias desinflava-se nesta manhá no Julgado de Instruçom nº 6 de Vigo entre as gargalhadas espontáneas do público assistente à vista, que constatava, de forma feacente, que os factos imputados aos sete independentistas eram absolutamente irreais e que, aliás, a própria acusaçom era incapaz de atribuir individualmente a nengum del@s qualquer dos supostos factos acontecidos ante a esquadra policial viguesa no dia 6 de Dezembro de 2008.

08/04/2008 - Amanhá quarta-feira 9 de Abril, o nosso organismo celebrará umha charla junto a familiares de pres@s independentistas no centro social O Pichel de Compostela no nº 21 da rua Sta. Clara. O acto iniciará-se a partir das 20:00 h. e nele intervirám Carme Sam-Tisso, mae do preso independentista Ugio Caamanho, dispersado a Cádiz; José Sanchez, pai de José Sanches Gorgas, preso e dispersado a Aranjuez (Madrid) e Joám Peres, militante de Ceivar.

08/04/2008 - Um trabalhador da empresa Albada foi detido nesta manhá na cidade da Crunha quando a manifestaçom de operários em que participava para exigir a negociaçom do convénio e medidas de saúde laboral estava a piques de rematar na Praça de Maria Pita. Os efectivos policiais que participárom na sua detençom acusam o operário galego, que é de étnia cigana, de “desobediência” e “atentado contra a autoridade”, segundo é habitual neste tipo de circunstáncias. Trás o arresto, emprestou declaraçom no quartel das Lonças e foi posto em liberdade com os citados cargos.

08/04/2008 - Mais umha vez, a corrupçom salpica o corpo da ‘Guardia Civil’. Segundo informa hoje o diário espanhol ‘La Voz de Galicia’ na sua secçom digital de ‘Galicia’, um agente do instituto armado espanhol destacada em Ponte Vedra era detido na noite da passada sexta-feira acusado de tráfico de drogas. O agente é um membro dos GRS (‘Grupos Rurales de Seguridad’) com base na localidade de Castro Senim e era arrestado por agentes deslocados desde Madrid.

08/04/2008 - Algumhas entidades locais já começam mover ficha ante a previsom de que se constitua a futura Polícia Autonómica. É o caso do governo municipal de Vigo que, presidido polo espanholista Abel Caballero, dava onte o seu compromisso ao titular autonómico de Justiça, Méndez Romeu, para ceder umha parcela de 1000 metros quadrados na que construir umha esquadra para o novo corpo policial. Méndez Romeu confirmou que o projecto está relacionado com o alargamento do número de agentes policiais destinados na cidade olívica.