15/04/2008 - Os dias 27,28, e 29 de Marzo, a iniciativa da ‘Plataforma Asturiana contra a Repressom e polas Liberdades’ celebrava-se em Xixón o ‘Primeiro Encontro contra a repressom e polas liberdades’. No mesmo participárom multitude de organizaçons e pessoas de todo o Estado interessados em articular acçons unitárias contra a repressom. Apesar de que certos acordos alcançados podam ser discutíveis de um ponto de vista nacionalista e de defesa dum marco nacional de luita, é devido ao interesse da iniciativa, e à necessidade de conhecermos e analisarmos as respostas que se articulam contra a repressom em outras latitudes, que anexamos traduzida ao nosso idioma a resoluçom geral aprovada neste encontro para ser valorizada polas nossas leitoras e leitores.

15/04/2008 - Publicamos nesta semana umha entrevista a Jean-Claude Paye, sociólogo belga e prestigioso analista da evoluiçom das liberdades democráticas e das políticas estatais aplicadas a este respeito na Uniom Europeia e nos USA. Nesta ocasiom, Paye centra o seu interesse no chamado “mandato de prisom europeu” que, segundo ele, “dá força de lei ao que há de pior na Europa", em referência a que facilita a colaboraçom interestatal e o reconhecimento das decisons judiciais de cada Estado polos restantes na perseguiçom da dissidência política.

15/04/2008 - Ramón Borja, operário da empresa Albada, que gire a planta de resíduos sólidos de Nostiám, acodiu na passada quinta-feira 10 de Abril ao Julgado de Instruçom nº 2 da Crunha acusado dum delito de “atentado contra a autoridade”. Borja, denunciado como agressor, fora no entanto agredido por vários efectivos da Polícia espanhola quando participava numha mobilizaçom laboral em demanda de melhoras salariais e maior segurança no trabalho, resultando com diversas maçaduras e lesons, umha das quais afectou um dos seus ombreiros e obrigou-no a colher baixa laboral.

10/04/2008 - Por volta de trinta pessoas assistírom no serám de onte ao centro social O Pichel para participar numha charla com objectivo de analisar o actual contexto repressivo e reforçar a solidariedade com @s independentistas pres@s. O acto consistiu numha exposiçom sobre o momento repressivo actual por parte de Ceivar à que seguírom a explicaçom da situaçom jurídica e penitenciária em que se encontra actualmente o colectivo de pres@s independentistas galeg@s na dispersom.

10/04/2008 - O processamento de sete activistas da iniciativa cidadá autodeterminista Causa Galiza onte em Vigo provocou certa expectativa informativa refletida nos principais meios de difusom. Assi, jornais como ‘Diario Atlántico’, ‘La Voz de Galicia’, ‘El Correo Gallego’, Rádio Galega, etc. dérom de forma extraordinária cabimento nas suas respectivas ediçons a este novo caso de repressom política.