25/04/2008 - Quando os dous grandes partidos espanhóis anunciam consenso nas “grandes questons de Estado”, como estám a fazer nas últimas semanas, é melhor por-se a cuberto. Se esse consenso afecta ao que se designa comummente como ‘segurança cidadá’, o exercício das mais elementares liberdades civis e, em especial, das liberdades de reuniom, manifestaçom e expressom, será com certeza o primeiro damnificado desse acordo entre PSOE e PP.

25/04/2008 - Onte encenava-se em Vigo a precária situaçom em que se encontram as liberdades democráticas neste País e a aplicaçom por parte das FSE de estratégias combinadas de criminalizaçom, coacçom e intimidaçom para inibir a participaçom social da juventude. Um amplo retém de polícias aguardava desde antes das 12:00 h. na Praça do Couto o início da mobilizaçom estudantil dos licéus vigueses ‘Por um ensino galego’. @s 400 assistentes à convocatória do Foro da Mocidade tivérom que percorrer as ruas da cidade envolvid@s em antidistúrbios.

25/04/2008 - Mais umha vez, a existência e a realidade repressiva que enfrontam dia-a-dia @s pres@s independentistas galeg@s estivo presente na rua. Nesta ocasiom, na celebraçom da festa do 'Dia da Terra' no Cámpus de Lugo. Militantes e voluntári@s de Ceivar aproveitamos a jornada para difundir umha situaçom que, embora fai parte do contexto repressivo global do nosso País, é mediaticamente ocultada e manipulada, quando nom silenciada desde sectores que se auto-definem democráticos.

24/04/2008 - A partir do vindeiro 1º de Maio, a associaçom PreSOS-Galiza, a Casa Encantada, a Comissom de Denúncia da Galiza e a ‘Coordenadora Estatal de Solidaridad con las Personas Presas’ (CESPP) organizam as ‘XIV Jornadas de Formaçom e Luita. Trabalho penitenciário e direitos sociais das pessoas presas”. A participaçom no programa e as aulas de actividades é aberta e gratuita, embora se sugire que se comunique a assistência com anterioridade para calcular o aforo necessário.

24/04/2008 - As mobilizaçons convocadas na tarde de onte polo Movimento dos Direitos Civis em sete cidades da CAG para denunciar a perseguiçom da língua galega pola emissora radiofónica ultradireitista Cope tivérom imediatamente o seu correlato repressivo. Assi, trás finalizar a concentraçom celebrada na rua Joaquim Costa de Ponte Vedra, umha parelha de efectivos da Polícia espanhola procedia a identificar duas pessoas que participaram no protesto “por serem suspeitos de participar numha concentraçom” (sic), segundo assegura o próprio MpDC.