28/04/2008 - 'Eskubideak' (‘Direitos’) é o nome da associaçom de advogad@s basc@s comprometida com a denúncia da repressom política em Euskal Herria. No passado 25 de Abril, este colectivo de juristas publicava no diário independentista Gara um interessante artigo sobre a involuçom a que estám submetidos os Estados de Direito no mundo e, particularmente, o Estado espanhol, com a celebraçom de processos político-judiciais, a reduçom das garantias legais, a imposiçom do denominado Direito Penal do Inimigo e a definiçom extensiva e generalista de “terrorismo” acordada pola UE em 2001.

28/04/2008 - O sítio web nacional da CIG confirma que na passada semana se produzia um novo caso de repressom sindical com o despedimento dum trabalhador da factoria Faurecia Interior Systems encravada no Porrinho. O operário, que leva 12 anos na empresa e é fixo desde 2002, foi umha das pessoas mais activas na negociaçom colectiva do convénio e é membro da secçom sindical do sindicato nacionalista.

28/04/2008 - Segundo informaçons aparecidas hoje nas páginas de ‘Galiza’ do diário espanhol ‘El País’, nove agentes do instituto armado espanhol que desempenhavam as suas funçons na unidade fiscal do Porto de Vigo estariam implicados numha rede de contrabando desmantelada no passado Setembro. Os agentes teriam-se apropriado, segundo este diário, de centos de caixas de tabaco ilegal previamente decomissado para revende-lo no mercado ilegal.

28/04/2008 - A Assembleia que exige a liberdade do preso político galego Carlos Cela Seoane convoca umha concentraçom para o próximo 29 de Abril às 20:30 h. na Praça das Cunchinhas para reivindicar a excarceraçom do militante comunista e membro do organismo anti-repressivo SRI. A mobilizaçom desenvolve-se no dia prévio à vista oral que Carlos Cela terá no ‘Tribunal Supremo’ espanhol para resolver o recurso apresentado contra o seu encarceramento. A resoluçom do TS realizará-se no prazo de umha semana.

26/04/2008 - O futuro processamento do independentista galego R. M. M., acusado de agredir no 9 de Fevereiro na Crunha um militar espanhol vinculado à extrema direita, parece que será ocasiom propícia para que o fascismo organize nesta cidade o seu próximo desembarco violento. Isto é, quando menos, o que anuncia desde um web ultra Ricardo Sáenz de Ynestrillas, lider fascista processado polo assassinato do deputado basco Josu Muguruza em 1989 e condenado a 7 anos de prisom por tença ilícita de armas e homicídio em grau de tentativa na pessoa dum jovem que se negara a vender-lhe cocaina em 1997.