30/04/2008 - Várias cartas assinadas polo ‘Subdelegado del Gobierno de España’ na Crunha nas que se comunica o início dum procedimento sancionador contra militantes da AMI chegam às casas nestes dias. Assegura-se nelas que, a iniciativa da esquadra da Polícia espanhola na capital, várias pessoas fôrom denunciadas pola performance realizada na Renfe no 9 de Março em que se denunciava a turistificaçom do País e a precarizaçom laboral que conleva. A representaçom, que foi recebida com rejouba polos usuários, vira no relato de Pose Mesura em “irrupçom” dum grupo de pessoas que “increpavam à gente, alterando a ordem pública, atorando o passo dos usuários da estaçom”.

29/04/2008 - Segundo a breve informaçom que vimos de receber, o militante comunista e activista do organismo anti-repressivo SRI Carlos Cela, preso e dispersado ilegalmente ao centro penitenciário de Valdemoro, a mais de 600 quilómetros do seu domicílio habitual, pujo-se nesta tarde em greve de fame para exigir o respeito dos seus direitos. A notícia foi facilitada através dumha chamada telefónica por parte do próprio preso político galego embora a rapidez com que esta foi curtada fijo impossível conhecer mais detalhes sobre a sua situaçom.

29/04/2008 - Galiza é, devido à sua estrutura sócio-económica dependente, aos altos níveis de precarizaçom e desemprego estrutural existentes no nosso mercado laboral e aos ainda reduzidos níveis de consciência nacional, umha canteira da que o Exército e as FSE espanholas tiram umha parte significativa dos ‘recursos humanos’ que nutrem o aparelho repressivo do Estado e as forças militares com que Madrid desenvolve as suas aventuras imperialistas no interior e o exterior.

29/04/2008 - Nestas semanas começam acodir aos julgados de Vigo para emprestar declaraçom acusatória os activistas em defesa do galego agredidos por agentes da Polícia espanhola nos protestos de 20 de Fevereiro. Recordamos que nesse dia vários cidadáns e cidadás favoráveis à língua galega concentrados ante o Centro Cultural Caixanova para denunciar a presença da associaçom ultra ‘Galicia Bilingüe’, que procura a total subordinaçom e extinçom da língua galega, fôrom agredidos brutalmente por agentes da Polícia espanhola. As cargas praticavam-se após os agentes lançar petardos entre @s concentrad@s. Duas pessoas resultavam feridas e várias contusionadas nestas cargas.

29/04/2008 - Os militantes independentistas I. C., A. L. e A. M. fôrom identificad@s no passado 2 de Julho na vila de Minho (Marinhas) em duas ocasions consecutivas –primeiro, por efectivos da ‘Guardia Civil’ e, depois, da Polícia Local- quando colavam cartazes denunciando a especulaçom imobiliária na costa galega. Amanhá 30 de Abril serám processad@s a partir das 11:30 h. no Julgado nº 2 de Betanços acusad@s pola apariçom de três pintagens assinadas pola AMI que denunciam a mesma temática recolhida nos cartazes.