05/05/2008 - O trabalho de informaçom e denúncia da repressom que desde Julho de 2005 desenvolvemos do web nacional de Ceivar de maneira quase diária alcançou neste Abril de 2008 um dos seus picos históricos em número absoluto de visitas e número de IPs diferenciadas que acedem à informaçom que facilitamos. O dado resulta mais significativo se trazemos em conta que nesse mês nom aconteceu qualquer facto repressivo mediatizado, como foram no seu dia as detençons de Giana Gomes e Ugio Caamanho, a ‘Operación Castiñeiras’ e o arresto de Jose Sanches e Sánti Vigo em Portozinho, que devido ao circo mediático organizado por volta dos mesmos ‘dispararam’ as entradas ao portal.

05/05/2008 - Mais um ano, a exigência de liberdade para os presos e presas políticas do País tivo presença destacada nos principais actos sindicais do ‘Dia do Internacionalismo Proletário’, sendo transmitida a milhares de pessoas. Militantes do organismo popular anti-repressivo com macacos brancos e carautas que simbolizam a reivindicaçom de liberdade de expressom situavam-se num ponto elevado de Urzaiz termando dumha faixa com a legenda ‘Liberdade pres@s polític@s galeg@s’, alusiva às 21 cidadás e cidadáns que, neste momento, se encontram privados de liberdade devido à sua militáncia política.

05/05/2008 - O aumento da pressom e a repressom laboral nas empresas tivo múltiplas alusons concretas no decurso das mobilizaçons convocadas polas centrais CIG e CUT e CGT neste contexto de crise sócio-económica que se anuncia. Assi, operários do Metal e a Construçom de Vigo mobilizárom-se “contra a repressom judicial” de que som objecto dumha forma maciça, enquanto diversos conflitos laborais que tenhem na sua origem a repressom patronal figérom também acto de presença, como foi o caso de Delphi, Faurecia Porrinho, Citröen, Urbaser, Ingemarga, Povisa, etc.

03/05/2008 - Segundo anunciavamos no passado 24 de Abril, a comarca do Morraço organiza para a tarde hoje umha palestra destinada a anailsar o exercício da repressom espanhola no fase terminal da Ditadura iniciada em 1936. O acto, que é concebido aliás como um sinal de reconhecimento popular à luita de dezenas de militantes que fôrom alcançad@s pola repressom política, rematará com umha homenagem à militante independentista e comunista Carmeliña Graña, activista da UPG no tempo de José Ramom Reboiras Noia e retaliada polo seu compromisso patriótico.

30/04/2008 - Cinquenta pessoas concentravam-se a partir das 20:30 h. da tarde de onte na corunhesa Praça das Cunchinhas para exigir a liberaçom imediata de Carlos Cela Seoane, militante comunista e activista do organismo anti-repressivo SRI detido, encarcerado e dispersado no passado 23 de Janeiro dentro dum operativo que a ‘Guardia Civil’ assegurava desenvolver “contra o Grapo”, mas no que fôrom detidos militantes do SRI e advogados. Antidistúrbios da Polícia espanhola figérom acto de presença para identificar/fichar @s assistentes ao acto solidário.