08/05/2008 - Umha nova mobilizaçom popular para exigir ao Executivo espanhol a liberdade dos conhecidos como ‘Os Três do Eixo’ através dum indulto governamental decorrerá na capital galega neste 9 de Maio. Trata-se dumha concentraçom a celebrar na Praça do Obradoiro a partir das 20:30 h. do serám. Recordamos que Simón Vázquez, José Moreira e Jesús Montoiro encontram-se privados de liberdade no macrocárcere de alta segurança de Teixeiro desde 30 de Outubro de 2007. Todas as iniciativas desenvolvidas até hoje para lograr a excarceraçom dos três vizinhos aparentam nom ter conseguido o seu objectivo.

08/05/2008 - Recebemos no nosso correio a ligaçom a um vídeo da detençom do cidadám galego e militante comunista Carlos Cela, o registo policial da sua vivenda e imagens de mobilizaçons de solidariedade transcorridas desde que no passado 23 de Janeiro o companheiro era sequestrado, encarcerado e dispersado ilegalmente a centos de quilómetros do seu País. Vaia a difusom deste audiovisual anexado como ligaçom ao pé da notícia como mais umha expressom de solidariedade e da exigência da imediata liberaçom de Carlos Cela Seoane e de todos os presos e presas políticas galegas. O tempo de duraçom da filmaçom é de 4:20 min.

07/05/2008 - Nunca cansaremos de repetir quanta é a importáncia de mantermos colectivamente umha comunicaçom estável desde o exterior com os presos e a presa independentista galega actualmente encarecerados e dispersados. Visitas, vises, correio postal e chamadas telefónicas, sempre restritas, e ocasionalmente vulneradas arbitrariamente, som as únicas vias que este democracia espanhola aceita para que militantes privados da sua liberdade e desterrados ilegalmente do País podam manter algum contacto com a realidade afectiva, social e política à que se devem.

07/05/2008 - O juízo que desde o passado mês de Abril se desenvolve na ‘Audiencia Nacional’ de Espanha passará provavelmente à história do Direito como um modelo paradigmático de vulneraçom das mais elementares garantias jurídicas num processo cuja impronta política e repressiva é evidente para qualquer espectador desprejuizado. Onte mesmo, o representante do Ministério Fiscal que realiza a acusaçom contra @s 27 opositor@s polític@s basc@s, Carlos Bautista, reconhecia num diálogo informal com alunos que assistem ao processo que “nom existem imputaçons individualizadas contra os processados”.

06/05/2008 - A repressom foi sempre companheira das luitas em defesa do nosso território. Essa constante histórica materializa-se mais umha vez em Noia, onde a vizinhança leva anos a se mobilizar contra a construçom da infraestrutura viária que será decisiva no já avançado processo de turistificaçom da comarca do Barbança e Muros-Noia. Agora, por parte da alcaldia noiesa que preside o dirigente do PSdeG-PSOE Rafael García Guerrero, ensaiam-se as denúncias ante a ‘Guardia Civil’ contra os vizinhos e vizinhas implicados nesta luita que o grupo Os Verdes da UE riscou de “exemplo do que nom se deve fazer com dinheiro” da UE.