12/05/2008 - Mobilizar a indignaçom que provocam determinados “erros” da Justiça espanhola para forçar mudanças do Código Penal num sentido punitivo. Esta é a prática que, arroupada com umha significativa cobertura informativa, seguem os familiares da menina andaluza Mari Luz Cortés, presuntamente assassinada por um pederasta. O acontecimento, que foi multiplicado mediaticamente nas últimas semanas, activa agora um movimento social de endurecimento penal e reinstauraçom da cadeia perpétua que, no entanto, já se aplica de facto no Estado espanhol.

12/05/2008 - A editorial galega Xerais vem de editar sob o título ‘A represión lingüística en Galiza no século XX (Aproximación cualitativa á situación sociolingüística de Galiza)’ umha extensa investigaçom sobre a perseguiçom, desvalorizaçom e processo de substituiçom social a que foi submetida a nossa língua no passado século e que hoje continua. O trabalho da autoria de Maria Pilar Freitas Juvino (Campo Lameiro, 1960) é resultado da tese de doutoramento apresentado na Universidade de Vigo por esta licenciada em Filologia Románica e doutora em Filologia Galega.

12/05/2008 - A percepçom de que na Galiza se desenvolve umha involuçom sostida em matéria de direitos e liberdades democráticas contra a dissidência política é assumida a cada por mais pessoas. Nesta semana foi o secretário geral da central sindical nacionalista CUT, Manolo Camaño, quem denunciava que vivemos numha “sociedade presa, incapaz de pensar para além do que o mesmo sistema lhe permite”. Camaño denuncia a perseguiçom e criminalizaçom de “todos e todas os que se atrevam a dissentir da ordem estabelecida”.

12/05/2008 - Quinze pessoas assistírom neste sábado à palestra ministrada polo organismo popular anti-repressivo sob o título ‘Luita anti-repressiva e situaçom das presas independentistas galegas’ no centro social Aturuxo do Barbança. A palestra realizada em Boiro enquadra-se na série de actividades que Ceivar está a desenvolver para socializar e denunciar a situaçom em que se encontram os quatro independentistas galegos actualmente privados de liberdade e dispersados pola geografia penitenciária espanhola.

12/05/2008 - Durante os dias 13 a 16 de Maio celebrarám-se nas cidades da Crunha, Compostela e Vigo as ‘Jornadas Anarquistas 2008’. Esta cita, da que anexamos o programa na íntegra, terá como objectivo a análise de diversas experiências de luita autónoma desenvolvidas no Estado espanhol no século passado. Destacamos as palestras sob o título ‘A COPEL na Galiza’ em que se abordará a luita dos presos sociais contra o sistema penitenciário no período conhecido como ‘Transiçom Democrática’.