19/05/2008 - 35 pessoas concentrárom-se a partir das 9:00 h. desta manhá respondendo à convocatória realizada por Ceivar ante o juízo contra o activista em favor da língua galega Paulo M., do que vimos informando nos últimos dias. Agentes antidistúrbios da Polícia espanhola e ‘guardias civiles’ dos julgados colocárom-se ante o edifício policial a modo de cordom frente às pessoas que se achegárom a exprimir a sua solidariedade com o processado. Umha parte das pessoas concentradas assistiu ao juízo que fica visto para sentença.

19/05/2008 - A jornada de mobilizaçom convocada no dia de onte pola Mesa pola Normalizaçom Lingüística (MNL) mobilizou milhares de galegos e galegas. Militantes e voluntári@s de Ceivar aproveitamos a jornada para transmitir aos sectores sociais mais sensíveis na denúncia do processo de substituiçom lingüística e na luita pola sua reversom os principais casos de repressom da defesa do galego dos últimos meses. A mao das ‘Subdelegación del Gobierno de España’ na Crunha e Ponte Vedra é mais do que visível em ambos casos.

17/05/2008 - Segundo vimos informando nesta última semana através deste portal e da listagem de correio [Ceivar INFORMAÇOM], o cidadám galego P. M. P. pode ser condenado a 2 anos e 3 meses de prisom, sancionado economicamente por valor de 7200€ e sentenciado a umha responsabilidade civil de 970€ por participar num acto de denúncia da passividade da administraçom autonómica em matéria lingüística. O organismo popular anti-repressivo, além de facilitar assistência letrada ao processsado, chama à mobilizaçom nas portas dos Julgados da capital.

17/05/2008 - Quando todos os estudos sociolingüísticos indicam a situaçom limite em que está a nossa língua e reverdecem grupos ultras que, como ‘Galicia Bilingüe’, proponhem abertamente o seu extermínio, a Polícia e a Justiça espanholas parecem ter mais interesse em perseguir quem se revolvem contra a morte lenta do galego. P. M. P., que será julgado no próximo 19 na capital, pode ser condenado a mais de 2 anos de prisom e umha grave sançom pecuniária por denunciar passividade institucional no lingüicídio. Ao seu particular modo, Espanha também celebrará este 17 de Maio.

17/05/2008 - Delfín Fernández, ‘Subdelegado del Gobierno de España’ em Ponte Vedra, deve querer passar à História como eficiente servo de Madrid na Galiza. Além das cargas policiais contra operários do Metal e a Construçom de Vigo, saldadas com dezenas de feridos e por volta de 100 trabalhadores processados na via penal, a satanizaçom do movimento independentista e a profusom das sançons administrativas, Fernández coloca agora no seu ponto de mira a reacçom social contra a farsa do ‘bilingüísmo harmónico’. Vinte e seis pessoas acumulam em Vigo multas por valor de 22.000€ por manifestar-se contra a presença de ‘Galicia Bilingüe’ na cidade.