19/02/2010 - A magistrada do Julgado de Instruçom nº 1 de Compostela, Ana López-Suevos Fraguela, vem de ditar a execuçom imediata da sentença contra duas militantes do organismo que em 2006 fôrom identificadas por agentes à paisana da Polícia Local quando colavam cartazes em solidariedade com @s pres@s independentistas. O auto que agora se executa impom 144 horas de “localizaçom permanente” –novo eufemismo 'democrático' utilizado para designar o “arresto domiciliário” franquista-, 550€ em conceito de multas e “indenizaçons” ao Governo municipal de Compostela e o pagamento das custas judiciais.

19/02/2010 - A solidariedade com os presos independentistas galegos na comarca de Vigo experimentou umha forte intensificaçom desde 14 de Janeiro, quando eram detidos os militantes Óscar Sanches e Jurjo R. Olveira num controlo policial de estrada na parróquia de Salcedo. Ao intenso trabalho que desenvolve nestes momentos a assembleia de solidárias e solidários artelhada após as detençons soma-se também o labor próprio do organismo.

17/02/2010 - Dentro das iniciativas que a nível comarcal desenvolve o organismo para denunciar a existência de presos independentistas e activar a solidariedade económica e política, anunciamos que neste sábado 20 de Fevereiro a assembleia comarcal de Ceivar em Trasancos organiza umha jornada contra a repressom. A cita é para as 12:30 h. no Ateneu de Ferrol e contará com petiscos, o sorteio dumha cesta com produtos típicos do Entruido e um concerto de música galega e portuguesa a cárrego do cantor Jorge Mirancos.

11/02/2010 - Quando se cumpre o 1º aniversário da mobilizaçom de 8 de Fevereiro em defesa da língua, trazemos à nossa página um novo caso que engadir à restriçom permanente de liberdades democráticas básicas que enfronta a militáncia independentista neste País. A iniciativa da Fiscalia, o Julgado de Instruçom nº 8 de Vigo vem de decretar a clausura “cautelar” da página web da Assembleia da Mocidade Independentista (AMI). O encerramento do portal independentista está pendente do recurso da defesa e poderia efectivar-se dentro de 72 horas.

10/02/2010 - Simón Márquez, Xosé Moreira e Xesús Montoiro, conhecidos como “Os Três do Eixo”, som os vizinhos da parróquia compostelana de Santa Luzia do Eixo que a Polícia e a Justiça espanholas seleccionárom em 1998 para iniciar um prolongado e exemplarizante processo repressivo. Detidos durante as cárregas policiais efectuadas contra um protesto vizinhal celebrado no verao de aquel ano, “Os Três do Eixo” fôrom condenados a prisom e submetidos a umha extorsom económica que ainda hoje continua e afecta toda a parróquia.