11/06/2008 - O contexto de profunda crise sócio-económica em que nos estamos a submerger virá acompanhado, como era de esperar, dumha escalada repressiva por parte das autoridades espanholas contra os movimentos grevistas e os conflitos laborais que atorem os planos do Estado. Segundo declaraçons do ‘Ministro de Interior’ Alfredo Pérez Rubalcaba à Agência Efe, o Executivo de Madrid empregará a “máxima dureza” contra quem “perjudicar a vida dos cidadáns”. Este anúncio oficial complementa-se com a generalizaçom do emprego da violência policial aos distintos conflitos abertos neste momento.

10/06/2008 - A desfachatez dos principais meios de difusom e dos mais altos responsáveis da repressom à hora de anunciar a perseguiçom policial da militáncia independentista nom conhece limite. O jornal ‘Faro de Vigo’ anuncia hoje que o ‘Ministerio de Interior’ acaba de enviar à Galiza trinta agentes do serviço de informaçom da ‘Guardia Civil’ porque exitem “provas mais do que suficientes de que a estrutura dos movimentos independentistas se reforçou, com a correspondente preocupaçom de todas as administraçons”. O avanço político dum movimento combate-se abertamente com forças policiais.

09/06/2008 - De Delfín Fernández diz-se na ‘provincia’ de Ponte Vedra que a contundência repressiva que emprega, que é a aplicaçom exaustiva e generalizada das políticas repressivas do PSOE para os conflitos e movimentos sociais e sócio-laborais sem controlo institucional, teria como objectivo reforçar o seu perfil ante Madrid para alcançar postos de mais significaçom no aparelho do Estado. Seja como for, a prática do ‘Subdelegado del Gobierno de España’ em Ponte Vedra e tardio corredor na administraçom estatal anuncia que Fernández fará ‘boas’ personagens tam sinistras como Juan Miguel Diz Guedes ou Arsenio Fernández de Mesa.

09/06/2008 - As iniciativas repressivas da Justiça espanhola contra a classe trabalhadora da comarca de Vigo começam a concretar-se. Noventa e seis operários estám pendentes de diversos processos penais que finalmente se podem materializar em condenas de prisom e, em todos os casos, venhem acompanhados dumha forte repressom económica. Quatro trabalhadores do naval da larga listagem de retaliados recebérom na semana passada as cartas nas que o Julgado de Instruçom nº 8 anuncia a abertura dum juízo oral por ‘desordens públicas’ um ‘delito continuado de danos’.

07/06/2008 - Um novo caso de repressom policial e judicial desenvolve-se neste momento na capital galega. O activista da associaçom PreSOS Francisco del Buey ‘Fram’ irá a juízo nesta segunda-feira acusado por denunciar o mal-trato dado a um vizinho por parte de vários polícias municipais. O processo celebrará-se a partir das 10:00 h. da manhá nos julgados da capital galega. Com motivo do novo julgamento, que tem no seu cerne a utilizaçom da violência por parte dos efectivos da Polícia Local compostelana, convocou-se umha mobilizaçom de solidariedade com o activista processado.