14/07/2008 - Na madrugada dum dia como hoje, há sete meses, eram detidos pola ‘Guardia Civil’ espanhola na vila de Portozinho os militantes independentistas galegos José Manuel Sanches Gorgas e Sánti Vigo Domingues. À detençom, seguiam-lhe os assaltos policiais e registos de domicílios, a incomunicaçom sob legislaçom antiterrorista, umha intensa campanha de criminalizaçom mediática e a dispersom de ambos militantes à prisom espanhola de Alcalá-Meco, mas também, como é norma, a solidariedade e a mobilizaçom em diversas localidades do País.

13/07/2008 - Colocar na agenda anual do Dia da Pátria a existência de independentistas galeg@s que cumprem condenas de prisom pola sua militáncia é um objectivo perseguido por Ceivar desde o dia do ingresso em prisom de Giana Gomes e Ugio Caamanho em 2005. Assi, militantes e voluntári@s do organismo popular anti-repressivo colocamo-nos cada 25 de Julho na Praça da Galiza para denunciar ante as bases sociais soberanistas a dispersom carcerária, a tortura e a permanência no cárcere de militantes galeg@s como máxima expressom da repressom. Neste ano, umha nova iniciativa somará-se a esta linha de trabalho: umha Cadeia Humana a celebrar na véspera do Dia da Pátria.

11/07/2008 - Retirada unilateral do flexo de que dispunha numha cela que se caracteriza por ter escassa iluminaçom e imposiçom dumha sançom “de 2 a 60 dias” sem aceder ao pátio. Som as últimas medidas que funcionários da prisom espanhola de Puerto de Santa María I, com a permissividade da direcçom, aplicárom nesta semana ao preso independentista galego Ugio Caamanho. A substracçom do ponto de luz que permite ao preso ler na cela justifica-se porque o flexo é “um objecto proibido” (sic). Paradoxalmente, nada se diz de que se o aparato eléctrico está em propriedade do preso é porque a sua entrada foi permitida num momento anterior.

02/07/2008 - Publicamos a comunicaçom do organismo popular anti-repressivo lida na tarde de onte ante centos de pessoas na cerimónia civil de despedimento a Ramom Muntxaraz Muntxaraz, militante independentista, comunista, luitador incansável contra a repressom desde as Juntas Galegas pola Amnistia (JUGA) e colaborador de Ceivar, valedor dos e das marginalizadas e, sobretodo e por cima de todo, um companheiro com um enorme coraçom e umha enorme qualidade humana. Volves à Terra que tanto amache, Moncho... Estarás sempre com nós.

28/06/2008 - Dezenas de pessoas respondérom onte em Lugo, Ourense, Vigo, Crunha e Compostela à convocatória publicada 24 h. antes polo organismo popular anti-repressivo para denunciar as agressons de que foi objecto o preso independentista galego Sánti Vigo no passado sábado 14. Os actos, que consistírom em concentraçons de 30 min. a umha hora desenvolvérom-se com normalidade –agás em Lugo, onde houvo umha desmessurada presença policial- e em todo os casos com discretos dispositivos de vigiláncia.