23/07/2008 - Dous activistas da Causa Galiza que nesta noite passada difundiam a convocatória soberanista do Dia da Pátria serám denunciados no julgado “por desobediência”. A denúncia produziu-se após ambos serem localizados por segunda vez consecutiva por umha patrulha da Polícia local de Compostela quando colavam cartazes anunciando a mobilizaçom do dia 25. A primeira localizaçom foi de aviso. A segunda, após seguirem colando cartazes apesar da advertência de que existe umha proibiçom permanente sobre esta actividade em todo o termo municipal, significou a imposiçom da citada denúncia.

22/07/2008 - A resposta dada recentemente pola ‘Delegación del Gobierno de España’ na Galiza administrativa a umha interpelaçom apresentada polo Movimento polos Direitos Civis num caso de vídeo-vigiláncia privada anuncia luz verde para que, no sucessivo, video-câmaras particulares varram espaços públicos da CAG. Segundo informa o MpDC, a ‘Delegación del Gobierno’ “nom se considera competente no caso dumha câmara [privada] instalada num edifício da Crunha que foca a rua”. A importáncia da resoluçom reside em que indica que Madrid estaria por dar via livre à aplicaçom extensiva deste critério em outras situaçons similares.

21/07/2008 - É o primeiro caso de que temos conhecimento nesta semana, mas provavelmente se estejam a produzir sucessos similares em outros pontos do País que, desde aqui, animamos a denunciar social e judicialmente. Nesta madrugada, activistas da Causa Galiza fôrom retidos, identificados, interrogados e registados corporalmente na Crunha quando difundiam a convocatória do Dia da Pátria organizado pola plataforma cidadá autodeterminista. Os agentes limitárom-se a assegurar que seguiam "um protocolo de segurança cidadá polo 25 de Julho” e cumpriam ordes. A retençom deu passo a um interrogatório ilegal sobre as militáncias dos activistas identificados.

17/07/2008 - Opinions e reflexons sobre política, questons pessoais, a vida nos cárceres espanhóis da dispersom, etc. Todo isto compom o blogue ‘Com os pés na Terra’, umha janela aberta desde a Galiza e desde dentro dos muros dos cárceres para conhecer, sequer parcialmente, o que é que ocorre nesses centros penitenciários espanhóis onde estám privadas de liberdade neste momento por volta de 70.000 pessoas, a rátio de pres@s por habitantes mais alta da Europa dos Quinze.

17/07/2008 - O organismo popular anti-repressivo organizará na Crunha nesta sexta-feira 18 de Julho dous actos de solidariedade com @s 23 cidadáns e cidadás galegos que, neste momento, se encontram presos e dispersadas ao largo da geografia penitenciária espanhola. Tratará-se dumha ceia popular a celebrar no Centro Social Atreu! e umha festa que decorrerá a partir da meia-noite no Pub Faluja, regentado até a sua detençom polos militantes galegos do PCE(r) Paco Cela e Carlos Cela. Em Vigo, a ceia decorrerá no centro social Cova dos Ratos.