13/10/2008 - Publicamos as datas, horas e lugares das assembleias informativas convocadas nas comarcas para estruturar a resposta ao juízo político contra @s independentistas Giana Gomes e Ugio Caamanho em 3 e 4 de Novembro na ‘Audiencia Nacional’. A assistência às assembleias é livre e nelas articulará-se a nível comarcal a campanha de informaçom, denúncia e mobilizaçom a Madrid para os dias do processamento. Animamos à militáncia do MLNG, às pessoas que acreditam que os tribunais de excepçom espanhóis nom tenhem legitimidade para julgar militantes galeg@s e às solidárias e solidários contra a repressom política a participardes activamente nestas citas.

12/10/2008 - A partir da semana que hoje entra e no prazo das três que virám até 3 de Novembro, o organismo popular anti-repressivo Ceivar desenvolverá umha série de iniciativas tendentes a socializar a existência dum juízo político na ‘Audiencia Nacional’ de Espanha contra dous independentistas galeg@s, assim como mobilizar a solidariedade galega até as salas do tribunal político de excepçom. Deste sítio web, que renovaremos proximamente, informará-se detalhadamente das datas, horas e lugares das dinámicas a por em andamento, assim como de todos os aspectos da mobilizaçom a realizar a Madrid nos dias 3 e 4 de Novembro.

10/10/2008 - Fixada a vista na ‘Audiencia Nacional’ contra @s militantes independentistas galeg@s Giana Gomes e Ugio Caamanho para os dias 3 e 4 de Novembro, de Ceivar fazemos um chamado urgente e maciço à solidariedade económica com este organismo que nos permita desenvolver nas melhores condiçons possíveis umha resposta ampla a nível nacional contra o processo aberto nos tribunais espanhóis de excepçom. Solicitamos de todas aquelas pessoas e organizaçons sociais e políticas que estejam em condiçons de faze-lo umha injecçom de recursos económicos que permita respostar, como povo e como independentistas, ao processamento de umha e um patriota galegos.

08/10/2008 - Informamos que na manhá de hoje tivemos conhecimento através da equipa jurídica do organismo popular anti-repressivo de que a ‘Audiencia Nacional’ vem de fixar data para o juízo contra os patriotas galegos Giana Gomes e Ugio Caamanho. A data fixada polo tribunal político de excepçom é 3 e 4 de Novembro. Como já noticiamos em anteriores ocasions, as petiçons fiscais somam por volta de 40 anos de cárcere para amb@s militantes acusad@s da deflagraçom dum artefacto explosivo na sede central de ‘Caixagalicia’ na capital galega em 23 de Julho de 2005.

25/09/2008 - Mais umha vez, do organismo popular anti-repressivo chamamos à militáncia nacionalista e a quem se considerar simplesmente democrata a respostar activa e colectivamente a um processo judicial de claro impulso político. Trata-se da imputaçom de três militantes independentistas denunciados por ‘Galicia Bilingüe’ por editar e distribuir um filme que denuncia o processo de substituiçom lingüística. Pretendemos com esta iniciativa lançar umha mensagem nítida a juízes, meios, FSE e promotores e executores da actual ofensiva espanholista: a persecuçom policial e judicial da militáncia galega nom sai debalde.