11/02/2009 - A repressom lançada neste domingo contra manifestantes galeg@s que rechaçavam a mobilizaçom em defesa do espanhol convocada por ‘Galicia Bilingüe’, e apoiada por diversas organizaçons de extrema direita, continua a produzir notícias. Nesta manhá era detido na sua morada em Ourense por agentes da Polícia espanhola o jovem Roberto Conde em relaçom aos factos do dia 8. Conde fora identificado, como muitas outras pessoas, quando nesse dia tratava de exercer o seu direito à liberdade de expressom. O início das cárregas policiais que se estendérom por toda a capital galega impediu que o jovem recuperasse a sua documentaçom.

10/02/2009 - Segundo as informaçons que vimos de receber nesta tarde através de familiares de Santiago Vigo Domingues e José Manuel Sanches Gorgas, os dous presos independentistas galegos fôrom dispersados para a prisom espanhola de Mansilla de las Mulas (Leom). O deslocamento para este cárcere desde o de Aranjuez (Madrid) fijo-se finalmente após umha ‘cunda’ (tranferência) que previamente levou os presos galegos para o centro penitenciário de Valdemoro (Madrid).

10/02/2009 - Incomodidade e pressom permanente som alguns dos aspectos que denunciam parte d@s militantes que passárom mais de 24 horas nos calabouços da Polícia espanhola na capital galega. Tod@s coincidem em denunciar a inabitabilidade das instalaçons que o corpo policial reserva para os e as cidadás objecto de detençom. Assim, alternativamente, o frio, a impossibilidade de mudar-se, as algemas apretadas, a negativa a subministrar a medicaçom imprescindível para um dos detidos, etc. conformárom alguns elementos da passagem polos calabouços das dez pessoas que tratárom de manifestar-se contra o extermínio programado do galego.

10/02/2009 - A jornada de 8 de Fevereiro de 2009 provavelmente passará à nossa memória colectiva como um exemplo de determinaçom, de firmeza e da capacidade para fazermos frente colectivamente ao projecto estatal de substituiçom idiomática, ao fascismo que reaparece disfarçado com a pele de ovelha da “liberdade para eleger” e à repressom policial e judicial. Centos de pessoas desouvírom a campanha mediática de criminalizaçom para chantar-se ante a violência policial e exigir a liberaçom d@s detid@s.

10/02/2009 - A distintas horas da jornada de onte fôrom saíndo das dependências judiciais @s dez independentistas postos a disposiçom da juíza Ana López-Suevos na manhá. Um contingente de solidários e solidárias que se concentrou desde as 9:00 h. da manhá até passadas as 20:00 h. presenciou a entrega a disposiçom policial d@s detid@s e a sua posterior liberaçom durante a manhá e a tarde. @s independentistas liberad@s saem em todos os casos com cargos penais, imputaçom de ‘delitos’ que podem supor ingresso em prisom e diversos trámites de carácter obrigatório a praticar regularmente ante a Justiça espanhola.