15/03/2009 - Efectivos da Polícia espanhola encenárom mais umha vez nesta manhá nas aforas da capital galega quais som as funçons políticas que cumprem e os métodos de intervençom que empregam. Três activistas de Ceivar fôrom identificados quando realizavam um mural reivindicando a liberdade dos presos independentistas galegos. À petiçom inicial dos bilhetes de identidade, “devida à possibilidade de que se apresente algumha denúncia pola confeiçom do mural” (sic), seguia-lhe meia hora depois a retençom num controlo de estrada conformado por três patrulhas da Polícia espanhola.

11/03/2009 - Dando continuidade a umha pauta de actuaçom do nosso organismo, como é a socializaçom permanente da existência de presos independentistas galegos e da situaçom repressiva de excepçom que enfrontam, voluntári@s e militantes de Ceivar figérom presente onte, mais umha vez, a reivindicaçom de repatriaçom e liberdade dos dous patriotas galegos actualmente encarcerados. O marco foi a celebraçom do 10 de Março, Dia da Classe Operária Galega, em memória dos obreiros Daniel Niebla e Amador Rei, baleados pola Polícia espanhola em 1972.

10/03/2009 - A ‘repressom de baixa intensidade’ continua a dar exemplos práticos da estratégia de desgaste sistemático que aplica o Estado sobre a militáncia independentista galega. À beira da extensom da política de sançons económicas por parte das ‘Subdelegación del Gobierno’ na CAG, a judicializaçom de todo o trabalho político-social é a outra constante neste desenho repressivo de larga duraçom. Assim, o próximo dia 16 dous militantes independentistas serám processados por denunciar publicamente o papel político que jogam os tribunais de excepçom na política de Madrid contra o independentismo galego.

10/03/2009 - A rede de centros penitenciários que o Estado espanhol tem instalados na CAG ultrapassou a primeiros de 2009 a cifra de 5000 pessoas encarceradas. Concretamente, segundo dados oficiais, som 5084 os presos e presas que actualmente cumprem condenas nas prisons da ‘Comunidade Autónoma’. A cifra desvela a saturaçom e massificaçom das prisons estatais na Galiza, que fôrom desenhadas para albergar umha populaçom reclusa sensivelmente inferior. A crise sócio-económica anuncia a continuidade da escalada dos índices de prisionizaçom na CAG.

23/02/2009 - O pulso que nas últimas semanas libram os presos independentistas galegos José Manuel Sanches e Santiago Vigo com a direcçom do centro penitenciário de Mansilla de las Mulas para defender o seu direito legal a umha cela individual continua provocando medidas de excepçom por parte da prisom. Assim, desde a passada semana ambos combatentes galegos fôrom conduzidos para o módulo de isolamento. As últimas informaçons indicam que permanecerám ali de modo “indefinido” à espera de que a direcçom do centro decida suspender a incomunicaçom.