20/04/2009 - 130 pessoas concentrárom-se neste 17 de Abril nas principais cidades da CAG para celebrar o ‘Dia Internacional dos Presos e Presas Políticas’ convocado por Ceivar. À mobilizaçom de solidariedade com os presos e presas políticas galegas seguiu a celebraçom de ceias de solidariedade nas localidades de Vigo, Ourense, Compostela e Ponte Vedra. Tratava-se da primeira ocasiom desde a fixaçom de 17 de Abril como ‘Dia Internacional dos Presos e Presas Políticas’ (2004) em que Ceivar convocava simultaneamente a data nos principais núcleos urbanos do País.

17/04/2009 - Mais um ano, o organismo popular anti-repressivo celebrará o ‘Dia Internacional dos Presos e Presas Políticas’, adequando esta data de reivindicaçom e luita ao contexto repressivo concreto do nosso País. Além das concentraçons convocadas para a tarde de hoje nas sete principais cidades da Galiza administrativa, o organismo publica e distribuirá umha declaraçom de denúncia do citado contexto repressivo no que fai respeito à situaçom dos presos políticos galegos. Reproduzimos a continuaçom esta declaraçom pública:

16/04/2009 - A notícia aparece onte no diário espanhol ‘Público’. Realmente, nom é surpressivo que a vida diária dos presos polític@s galeg@s e as suas limitadas comunicaçons postais, telefónicas e pessoais com o ‘exterior’ sejam objecto de controlo e seguimento permanente. Contodo, ‘Público’ anuncia um passo para além disto: o ‘Ministerio de Interior’ pujo em andamento em Agosto “grupos de espionagem nos cárceres”. Segundo o diário, os destinatários da medida serám “principalmente, etarras e jihadistas”, mas a leitura do texto indica que afectará todo tipo de pres@s polític@s. Os independentistas galegos e o seu contorno familiar e social, também.

13/04/2009 - A transferência do militante galego desde o cárcere de Mansilla de las Mulas (Leom) para o de Valdemoro (Madrid) no passado dia 3 de Abril, além de demonstrar umha intencionalidade política clara de alonjamento dentro do esquema permanente da dispersom, está-se a saldar com o agravamento generalizado da situaçom carcerária de Santiago Vigo. As últimas informaçons recebidas do preso indicam que a direcçom do conhecido como “centro de extermínio de Valdemoro” decidiu-se a aplicar todo tipo de excepcionalidades com o objectivo de dobrar física, psíquica e politicamente o preso independentista galego.

13/04/2009 - Mais um ano, o organismo popular anti-repressivo Ceivar celebrará com diversas actividades o ‘Dia Internacional dos Presos e Presas Políticas’, umha jornada oficializada na Conferência Internacional sobre Pres@s Polític@s realizada na cidade basca de Donostia em 2004. O pano de fundo da ediçom deste ano conforma-o o significativo agravamento da situaçom penitenciária de José Manuel Sanches Gorgas e Santiago Vigo Domingues, que estám a ser objecto de novas medidas de excepçom aplicadas por parte de ‘Instituciones Penitenciarias’. Vista a clara responsabilidade do PSOE nesta situaçom, Ceivar deslocará parte dos actos convocados para as sedes das 'Subdelegaciones del Gobierno de España'.