05/05/2009 - Mais um ano, seguindo umha prática que pretendemos converter em tradiçom enquanto haja independentistas galeg@s encarcerad@s, militantes e voluntári@s do organismo popular anti-repressivo personárom-se nas principais mobilizaçons de trabalhador@s deste passado 1º de Maio para dar a conhecer a permanência em prisom de presos independentistas galegos e exigir a liberdade de todos os presos e presas políticas do País. A presença informativa do organismo compaginou-se com a distribuiçom maciça dumha brochura na que se convida a “reforçar o tecido sócio-político solidário” com os presos e presas políticas.

05/05/2009 - Correm tempos de crise sócio-económica e, portanto, também de luita e repressom para operári@s e sindicalistas de prática combativa. Xesús López Pintos, mais conhecido por ‘Pintos’, secretário comarcal da central nacionalista CIG em Trasancos, sentou-se onte como acusado no Julgado do Penal de Ferrol para responder por um presunto delito de “atentado contra agente da autoridade” e “lesons”. A acusaçom particular solicita para ele 5 anos e 3 meses de prisom, 20 fins-de-semana de arresto e o pagamento dumha sançom económica que se situa por volta dos 9000€. A solidariedade d@s trabalhador@s de Ferrol acompanhou o sindicalista nesta primeira vista do juízo.

30/04/2009 - Dizemos intencionadamente “logra” no titular, porque a novela ‘A perspectiva desde a porta’, escrita por Patricia Janeiro, apesar de ser no seu dia finalista do Premio Xerais, obtivo excepcionalmente a negativa da citada editorial para saír à luz, contravindo a regra nom escrita de publicar todas as obras finalistas do prémio. Umha negativa idêntica colheitou Janeiro em outras empresas do ramo que trabalham no País até ver publicada a novela em Positivas. O motivo do rechaço generalizado? A submissom do mercado editorial galego à ditadura do comercial e o politicamente correcto e a cárrega política dumha novela que levanta binchas entre muitos seguidores do nacionalismo de gestom.

30/04/2009 - Quando o conflito lingüístico que enfrenta este País por causa da imposiçom histórica do espanhol sobe vários graus de temperatura, a administraçom espanhola de Justiça anuncia a imputaçom de seis nov@s defensor@s da língua galega no processo aberto polos incidentes da manifestaçom de 8 de Fevereiro. ‘Galicia Bilingüe’, o governo municipal PSOE-BNG de Compostela e a própria Gloria Lago, porta-voz da associaçom partidária da reduçom do galego a umha língua para usos coloquiais, conformam a múltipla acusaçom particular contra @s defensores da língua nacional.

29/04/2009 - A recentemente constituida assembleia comarcal de Ceivar de Trasancos organizava nos passados dias 24 e 25 de Abril as ‘I Jornadas em Solidariedade com os Presos Independentistas Galegos’. As jornadas decorrérom sob a legenda ‘Análise da situaçom repressiva na Galiza’ com o intuito de abordarmos tanto a criminalizaçom da dissidência política de umha óptica jurídica quanto o contexto repressivo que actualmente afecta o independentismo galego.