20/04/2010 - Mais um 17 de Abril Ceivar soma-se à convocatória internacional do “Dia Internacional de Apoio aos Presos e Presas Políticas”. Quase coincidente este Dia Internacional com o julgamento do militante independentista Jurjo R. Olveira o dia 16 de Abril no Julgado Central de Menores, dependente do tribunal de excepçom “Audiencia Nacional”, o organismo popular anti-repressivo convocou para 15 de Abril em diversos pontos do País umha série de concentraçons em favor da liberdade dos presos independentistas galegos.

15/04/2010 - Várias concentraçons estám convocadas para a tarde de hoje em diversos pontos do País em favor da liberdade dos presos independentistas galegos e como prelúdio da mobilizaçom de solidári@s a Madrid do dia 16. A iniciativa tem por objecto visibilizar na rua o juízo político a que será submetido amanhá o independentista galego Jurjo R. Olveira no Julgado Central de Menores, organismo dependente da ‘Audiencia Nacional’ de Espanha.

14/04/2010 - Nesta semana fijo-se público na Internet a declaraçom titulada “Recolhida de assinaturas para que o Governo espanhol declare a nulidade dos juízos políticos do franquismo”. O texto editado em normativa oficialista e reintegracionista parte de constatar o fracasso que supugérom as sucessivas tentativas da família do antifascista galego Xosé Humberto Baena Alonso para lograr a nulidade do juízo militar em que foi condenado a fusilamento em 1975. Aliás, a declaraçom exige, por extensom, que o Executivo de Madrid anule a validez de todos os juízos políticos do fascismo “como fijo a Alemanha em 2005 com os juízos do nazismo”.

14/04/2010 - Segundo informamos na tarde de onte, o preso independentista galego Ugio Caamanho sairia hoje a um novo destino da dispersom num cárcere de Andalucía ou Castilla y León desde a prisom espanhola de Valdemoro (Madrid). Finalmente, este destino é o centro penitenciário de La Moraleja, na província espanhola de Palencia, a 476 qm. do seu domicílio habitual.

13/04/2010 - Recebemos nesta tarde a informaçom de que o preso independentista galego Ugio Caamanho poderá ser deportado em breve a umha prisom situada na Comunidade Autónoma de Andalucia ou Castilla y León. A notícia procede directamente do cárcere de Valdemoro (Madrid) em que o patriota galego se encontra nas últimas semanas e foi transmitida hoje ao seu contorno familiar quando geria telefonicamente a realizaçom da visita semanal em Madrid.