04/06/2009 - Funcionários da prisom de Mansilla de las Mulas comunicárom nesta semana ao preso independentista galego José Manuel Sanches Gorgas que, em breves, será dispersado mais umha vez. Neste caso, à prisom espanhola de Palência, situada a 492.9 quilómetros da localidade donde procede Sanches Gorgas. A decisom desta nova transferência parte como é habitual de ‘Instituciones Penitenciarias’, que prorroga assim umha ilegalidade como é impedir que presos galegos e galegas permanezam em centros carcerários próximos dos seus domicílios. A persistência de ‘Interior’ nesta política penitenciária enquadra-se no tratamento punitivo diferencial de que som objecto todos os presos e presas por motivos políticos.

03/06/2009 - Antom Árias Curto (Terra de Lemos, 1944) é o nome dum histórico militante galego que precisa poucas apresentaçons. Activista incansável desde a luita clandestina na Longa Noite de Pedra até os projectos e iniciativas independentistas mais recentes, na biografia de Antom salienta a participaçom como co-fundador de organizaçons armadas independentistas como Loita Armada Revolucionaria (LAR) e o Exército Guerrilheiro do Povo Galego Ceive (EGPGC) que, em distintos momentos históricos, desafiárom e combatérom os poderes políticos e económicos implicados no espólio colonial da Galiza e escrevérom páginas inteiras da História de resistência deste País.

03/06/2009 - A negociaçom do convénio do Metal na ‘provincia’ de Ponte Vedra está a entrar numha fase de máxima tensom ante o imobilismo dos empresários do sector. Hoje, efectivos da Polícia espanhola tomárom várias ruas da cidade olívica num clima de Estado de Sítio contra os trabalhadores e praticárom cárregas em vários pontos da cidade. Os operários em luita pola negociaçom dum convénio que afecta mais de 27.000 trabalhadores e trabalhadoras e por volta de 2500 empresas protagonizárom diversos enfrontamentos com a Polícia espanhola. Os estaleiros de Vulcano e Barreras fôrom os principais cenários de conflito.

03/06/2009 - A campanha eleitoral na capital continua salpicada de incidentes repressivos que delatam a aplicaçom dum critério político de silenciamento e perseguiçom da dissidência nacionalista por parte das FSE. Se antonte denunciavamos a retirada policial de faixas de II-SP, nesta manhá temos que informar de que efectivos ‘antidistúrbios’ da Polícia espanhola tomavam os dados a dous activistas da campanha eleitoral de Iniciativa Internacionalista que colocavam umha faixa com a legenda ‘Iniciativa Internacionalista. Vota onde mais lles doe!’. A identificaçom aconteceu nas proximidades do Polígono do Tambre.

02/06/2009 - A recente apresentaçom da acusaçom provissória da Fiscalia espanhola contra os independentistas José Manuel Sanches e Santiago Vigo, actualmente presos e dispersados em León e Madrid, respectivamente, achega novos dados para compreender a orientaçom do processo repressivo em que ambos estám imersos. A desapariçom da acusaçom de “integraçom em banda armada” é, se calhar, o facto mais destacável que apresenta o escrito da acusaçom, assim como a petiçom dumha condena a 8 anos de prisom por um delito de “depósito de explosivos”.