17/06/2009 - As últimas notícias acontecidas na cidade de Vigo indicam umha agudizaçom progressiva do conflito do Metal no sul oeste do País ou, como diria a titular autonómica de Trabalho, Beatriz Mato, recorrendo à peculiar linguagem da intoxicaçom, de “batasunizaçom”. A intervençom directa de corpos repressivos dirigidos desde a ‘Delegación del Gobierno de España’ na CAG há dias que passou a ser o principal argumento oficial para debilitar a resistência dos trabalhadores. À violência policial somam-se as ameaças de deslocalizaçom empresarial e a tentativa de esganar o movimento operário por meio da violência económica.

16/06/2009 - Afinal sempre é pola força, do Salgueirom até Canedo, a ‘Guardia Civil’ utiliza a violência para facilitar o desenvolvimento de obras cuja legalidade é mais que duvidosa. Efectivos do instituto armado espanhol carregárom nesta manhá contra vizinh@s de Canedo (Ponte Areias) que ocupavam desde onte as obras ilegais de construçom dumha rotunda no acesso da N-120 à sua parróquia e a Sam Vicente. Os agentes do instituto armado espanhol despejárom o campamento vizinhal e praticárom sete detençons entre as que se encontra a do dirigente vizinhal Luís Pardo. Há várias pessoas contusionadas. Umha mulher de avançada idade sofreu um ataque de epilepsia.

12/06/2009 - O organismo popular anti-repressivo celebra no próximo 19 de Junho a partir das 21:00 h. no centro social O Pichel umha nova CEIA DE SOLIDARIEDADE COM OS PRESOS INDEPENDENTISTAS GALEGOS. A celebraçom visa por umha parte conseguir recursos económicos para enfrontar o processo judicial que se desenvolve nos tribunais de excepçom do Estado e, por outra, fazer umha posta ao dia do compromisso solidário de dezenas de pessoas que conformamos o contorno familiar, social e político dos patriotas presos. Os companheiros e companheiras que desejem participar nesta ceia devem ligar para os contactos que se achegam nesta informaçom.

11/06/2009 - “Dadle duro y sin contemplaciones a todo lo que se mueva”. Imaginamos que esta foi a singela e compreensível ordem telefónica que Antón Louro deu em Abril aos quatro ‘Subdelegados del Gobierno de España’ na CAG quando relevou Manuel Ameijeiras Vales à frente da representaçom do Executivo espanhol na Galiza. Heitor B., câmara e activista de [GZvídeos], é o último exemplo de como a repressom económica se estende da mao do PSOE a todos os movimento populares galegos. Delfín Fernández, máximo responsável político das FSE no sul oeste galego e aspirante avantajado ao título IPG (Inimigo do Povo Galego) sanciona o reporteiro com 500€ por participar, presuntamente, numha mobilizaçom em defesa do galego.

11/06/2009 - A sentença da ‘Audiencia Nacional’ contra Santiago Mendes e Alexandre Bolívar, independentistas galegos acusados de incendiar em 6 de Dezembro de 2007 umha imagem do rei de Espanha, foi confirmada nesta semana. Ambos militantes fôrom condenados por um “delito” de ‘injúrias à Coroa’ a pagar ao Estado as quantidades de 1800 e 2700€ respectivamente. Umha nova conta de solidariedade aberta para fazer frente à enésima expropriaçom de recursos económicos da militáncia galega servirá mais umha vez para socializar e repartir os custos também monetários da repressom.