13/07/2009 - A falta da razom ética e legal, a aposta da ‘Subdelegación del Gobierno de España’ em Ponte Vedra e da ‘Guardia Civil’ no conflito vizinhal contra o porto desportivo de Massó parece ser a repressom. Nesta manhá foi detido novamente o vizinho de Cangas e membro do Foro Social Tiago Pérez. Pérez é acusado dum ‘delito’ de “coacçons” por fazer parte do grupo de vizinh@s que, dia após dia, se concentram contra a construçom do porto desportivo ilegal.

03/07/2009 - De como se pugérom as cousas em matéria de liberdade de expressom na capital do País dá testemunha umha recente sentença emitida polo Julgado de Instruçom nº 1 de Compostela. Segundo o auto judicial, já em firme, os independentistas A. S. e J. P. deverám abonar a quantidade de 396.76€ ou, alternativamente, ingressar no cárcere durante 20 e 15 dias respectivamente por serem identificados por efectivos da Polícia Local quando em 23 de Julho de 2007 colavam cartazes na rua convocando o Dia da Pátria.

30/06/2009 - O Tribunal Europeu de Direitos Humanos rechaçou hoje finalmente o recurso interposto por Batasuna contra a sua ilegalizaçom, acordada em 2003 polo ‘Tribunal Supremo’ de Espanha. O auto do TEDH é, de facto, um aval a nível internacional à política de repressom total que Madrid aplica em Euskal Herria e implica aliás a validaçom por parte desta instáncia jurídica europeia dumha lei antidemocrática como é a ‘Lei de Partidos’. O acordo foi adoptado por unanimidade. Diversos dirigentes espanhóis confirmárom a sua satisfacçom polo auto.

25/06/2009 - Mais umha vez, a Polícia espanhola regou antonte com sangue operário as ruas de Vigo. Indivíduos fortemente armados agredírom novamente os trabalhadores do Metal demonstrando como, quando a manipulaçom informativa e a repressom laboral som insuficientes, sempre está a mao a violência do Estado democrático e de Direito para impor os interesses dos que realmente governam a situaçom. Sobram agora as palavras quando as imagens som tam eloquentes como as que achegamos no vídeo anexado.

25/06/2009 - Antom Árias Curto é, com certeza, um desses indivíduos que dam rosto humano à luita de todo um povo pola Autodeterminaçom e a independência nacional e que passarám à história dessa luita como um dos militantes que mais entregárom ao seu desenvolvimento. O home que co-fundou as organizaçons independentistas armadas Loita Armada Revolucionaria (LAR) e Exército Guerrilheiro do Povo Galego Ceive receberá no próximo dia 4 de Julho em Vigo o calor e o reconhecimento de centos de homes e mulheres deste País que, com Antom, consideram que a luita é o único caminho.