21/07/2009 - Nesta semana, o tribunal de excepçom espanhol vem de fazer pública a data para o juízo político a que serám submetidos José Manuel Sanches Gorgas e Santiago Vigo Domingues, militantes independentistas detidos pola ‘Guardia Civil’ no Barbança em 14 de Fevereiro de 2007. O data do processamento de ambos será o vindeiro 2 de Outubro na ‘Audiencia Nacional’. O tribunal espanhol solicita para Gorgas e Vigo duas penas de oito anos de prisom por um delito de “depósito de explosivo”.

20/07/2009 - Segundo venhem de comunicar a este portal pessoas presentes na concentraçom desta tarde no quartel da ‘Guardia Civil’ de Cangas, dez das pessoas detidas nesta manhá saírom há uns momentos (20: h.) em liberdade com cárregos. Trata-se de Sabela Iglésias, Pipas, Píchi e Íria, activistas de A Ria nom se Vende; Édi Ferrin, de Bouças Move-te!; Passatem, do centro social A Cova dos Ratos; Cristóbal e um marinheiro e um vizinho de Cangas cujos nomes desconhecemos.

20/07/2009 - Hoje, por volta das 09:00 h. da manhá, agentes ‘antidistúrbios’ da ‘Guardia Civil’ protagonizárom umha autêntica selvajada policial ao pé do lugar onde Caixanova e Marina Atlántica pretendem construir o porto desportivo de Massó. Várias pessoas feridas de diversa consideraçom e 16 opositor@s à construçom ilegal detid@s é o balanço repressivo da jornada. À hora de escrevermos estas linhas (20:30 h.), @s activistas detid@s pola manhá continuam privados de liberdade no quartel que o instituto armado espanhol tem destacado na vila de Cangas do Morraço.

14/07/2009 - Os advogados que defendérom os independentistas Ugio Caamanho e Giana Gomes ante os tribunais de excepçom no passado mês de Novembro venhem de comunicar a Ceivar que o ‘Tribunal Supremo’ espanhol confirmou a sentença ditada pola ‘Audiencia Nacional’ contra ambos militantes. A consolidaçom do auto implica a validaçom das condenas ditadas pola ‘Audiencia Nacional’ e, no caso de Ugio Caamanho, o seu reingresso em prisom umha vez que o tribunal madrileno assinale data e centro penitenciário.

13/07/2009 - O organismo popular anti-repressivo enviou nestas semanas dezenas de convites a centros sociais, organizaçons políticas independentistas, centrais galegas, grupos juvenis, lingüísticos, feministas, ambientalistas, etc. para participarem na ‘II Cadeia Humana pola Liberdade dos Presos Independentistas Galegos’ que Ceivar organiza no próximo 24 de Julho, véspera do Dia da Pátria. Nesta semana, as organizaçons juvenis independentistas ADIANTE (Mocidade Revolucionaria Galega) e AMI, que já exprimira o seu apoio na primeira ediçom, chamárom à mocidade a assistir a este acto anual de denúncia da dispersom e a repressom e de exigência da liberdade para os patriotas presos.