05/08/2009 - M. R. L., detida onte na vila do Morraço por efectivos da ‘Guardia Civil’, saiu em liberdade com cárregos de “desordens públicas” e “danos” trás passar quase 24 horas em maos do instituto armado espanhol. Umhas 30 pessoas recebérom-a à saída do julgado por volta das 18:00 h. O magistrado competente rechaçou a solicitude de Habeas Corpus interposta polo advogado de Ceivar e anunciou que a investigaçom continua para localizar quatro pessoas mais que, presuntamente, teriam intervido no ataque a umha sucursal de SCH em Cangas e na queima de contentores no marco do conflito contra o porto desportivo ilegal de Massó.

02/08/2009 - Hoje será posta a disposiçom judicial a militantes independentista M. R. L., detida onte por efectivos da 'Guardia Civil' no marco da luita vizinal para paralisar a construçom ilegal do porto desportivo do Salgueirom. Ante a apresentaçom de M. R. L. nos julgados de Cangas está convocada para as 15:30 umha concentraçom para denunciar a repressom no conflito de Massó e exigir a liberdade da militante galega.

02/08/2009 - A militante independentista M. R. L. foi detida na tarde-noite de onte por parte de efectivos da ‘Guardia Civil’ após a mobilizaçom popular para exigir a paralisaçom das obras do porto desportivo do Salgueirom. M. R. L. estivo esta noite em maos do instituto armado espanhol sem que neste momento se conheça se se encontra no quartel da ‘Guardia Civil’ de Cangas ou foi transferida para o de Ponte Vedra. O organismo popular anti-repressivo está a fazer as gestons necessárias para que a militante galega disponha de assistência jurídica e seja posta em liberdade quanto antes.

31/07/2009 - Ante as acusaçons vertidas polo colectivo juvenil Briga contra o organismo popular anti-repressivo Ceivar, queremos manifestar colectiva e unanimemente o que segue:

28/07/2009 - Após umha noite de cárregas policiais e acçons de resposta, a mobilizaçom programada para as 13:00 h. do Dia da Pátria por Causa Galiza, que se comunicara à ‘Delegación del Gobierno de España’, obtinha também o tratamento de excepçom do organismo que preside Antón Louro Goyanes. Carrinhas policiais cercárom a manifestaçom d@s independentistas durante todo o percorrido. Aliás, a mobilizaçom era recebida na Praça do Toral por dezenas de agentes com material ‘antidistúrbios’ em atitude de aberta provocaçom que restringiam o acesso ao lugar polas ruas do Vilar e Baptizados.