16/09/2009 - A persecuçom governamental do colectivo de informaçom audiovisual [Gzvídeos] leva umha segunda activista aos julgados. Se no passado Junho denunciavamos o procedimento administrativo aberto contra o câmara Heitor B. pola ‘Subdelegación del Gobierno de España’ em Ponte Vedra, agora é Zélia G. quem será julgada por filmar a Cadeia Humana pola Liberdade d@s Pres@s Independentistas ‘08. A Polícia espanhola acusa a activista de gritar a palavra-de-ordem “ETA: mátalos!” (sic) quando desenvolvia o seu labor profissional.

11/09/2009 - Nesta semana celebrárom-se em várias localidades galegas as primeiras assembleias comarcais destinadas a preparar a resposta ao processamento dos independentistas galegos Santiago Vigo e José Manuel Sanches nos tribunais de excepçom. Ambos militantes irám a juízo no dia 2 de Outubro em Madrid, solicitando a ‘Audiencia Nacional’ de Espanha para cada um deles umha condena de 8 anos de prisom por um delito de “depósito de explosivos” destinados, presuntamente, a atacar umha agência imobiliária no Barbança.

07/09/2009 - Facilitamos a seguir informaçom sobre as assembleias abertas, concentraçons e ceias de solidariedade com os presos independentistas que se organizarám durante este mês em todo o território nacional. Esta informaçom será pemanentemente actualizada. Animamos àquelas pessoas que desejem participar desta iniciativa de resposta à repressom política, distribuir propaganda, etc., mas residam em comarcas onde o organismo carece de implantaçom, a contactarem directamente com nós para agilizar esta colaboraçom.

02/09/2009 - O próximo dia 2 de Outubro, sexta-feira, serám julgados na capital de Espanha os militantes independentistas galegos José Manuel Sanches Gorgas e Santiago Vigo Domingues. A Fiscalia espanhola solicita para ambos duas penas de 8 anos de prisom por um suposto delito de “depósito de explosivos” que, presuntamente, estariam destinados para a sua colocaçom numha agência imobiliária da comarca do Barbança. Desde Dezembro de 2007, Vigo e Gorgas estám presos em regime de “prisom preventiva” e fôrom dispersados a distintos centros penitenciários.

06/08/2009 - Segundo informa a ediçom digital do diário ‘La Voz de Galicia’, umha mulher e um home vizinhos de Cangas fôrom detid@s por agentes da Polícia Local da vila do Morraço. Desconhecem-se as suas identidades, mas, segundo os dados que facilita o jornal espanhol, trataria-se da proprietária e o condutor do carro no que, presuntamente, fugírom as pessoas que no passado sábado rachárom umha luna do banco SCH e incendiárom contentores trás o passo dumha manifestaçom de 5000 pessoas contra o porto desportivo ilegal de Massó.