18/01/2010 - A organizaçom juvenil independentista Adiante manifestou através dum comunicado público no que exige a sua repatriaçom e liberdade a solidariedade com Jurjo Rodrigues e Óscar Sanches, detidos pola Polícia espanhola no passado dia 14 e encarcerados por ordem de dous juízes da ‘Audiencia Nacional’. Publicamos a continuaçom na íntegra o comunicado da organizaçom juvenil independentista tomado da sua página web.

16/01/2010 - Os principais meios de difusom deste País obserquiárom-nos desde a manhá do dia 14, quando dous independentistas eram detidos em Salcedo pola Polícia espanhola, com um exemplo paradigmático de servilismo às instituiçons e estratégias policiais, parcialidade política e ódio e rechaço viscerais face esse minoritário sector da nossa sociedade que, com total legitimidade e contra vento e maré, reclama um futuro de autodeterminaçom e independência para a Galiza. Seria laborioso recopilar todas as mentiras e infámias mediáticas destas 48 horas. Conformaremo-nos como mostra com a “informaçom” que publica hoje ‘Faro de Vigo’. A notícia já está em maos dos nossos advogados para iniciar as acçons legais preceptivas.

16/01/2010 - O arresto policial de Óscar Sanches e Jurjo Rodrigues e a sua posterior conduçom a Madrid e encarceramento disparárom mais umha vez as visitas à página web do organismo popular anti-repressivo, evidenciando que o pequeno meio informativo gerido pola militáncia de Ceivar joga um papel referencial quando se tratar de dispor de informaçom fiável relacionada com processos repressivos. Vários meios empresariais recabárom aqui dados e informaçons quando as agências espanholas Efe e Europa Press e a ‘Dirección General de la Policía Nacional y la Guardia Civil’ ainda nom determinaram os conteúdos que deviam difundir.

16/01/2010 - Publicamos a continuaçom os actuais destinos penitenciários de Óscar Sanches e Jurjo Rodrigues. Ambos independentistas ingressárom onte, respectivamente, na prisom de Soto del Real (Madrid) e no Centro de Menores Los Rosales de Carabanchel. Do organismo popular anti-repressivo convidamos os leitores e leitoras do portal, companheir@s dos agora presos e à militáncia independentista galega a exercer a prática básica de solidariedade consistente em enviar correio postal regular a ambos repressaliados.

16/01/2010 - Os juízes especiais Fernando Andreu, titular do Julgado Central de Instruçom nº 4, e José Luís de Castro, do Julgado Central de Menores, ambos da ‘Audiencia Nacional’, imputárom aos independentistas detidos em Salcedo um “delito de transporte de artefacto incendiário em relaçom com um de terrorismo”, que sustenta o envio a prisom. Ambos descartárom no entanto que os dous militantes estivessem integrados numha “banda armada”, como sostivérom e ainda sostenhem nas últimas horas os principais meios informativos.