punhocela-300x200Desde o Organismo Popular Anti-repressivo CEIVAR fazemo-nos eco no novo blogue criado polo Coleitivo de Pres@s Independentistas Galeg@s  (CPIG) o qual faz a seguinte apresentaçom:

A página que estás vendo nasceu com o propósito de achegar a realidade das prisioneiras políticas galegas ao dia a dia da militância independentista e por extensom a todas as pessoas próximas à sua luita dentro das cadeias. Pretende ser umha ferramenta de trabalho, tanto para as que estamos dentro como para as que estamos fora. A aportaçom de dentro, fora concreta-se e vai-se juntando. Por isso trata-se de umha página de combate e de solidariedade: o combate das que já nom podemos falar fora dos muros é partilhado com a ajuda e a solidariedade de quem o vê interessante e necessário desde fora. Este objectivo divulgativo fundamental será útil, pois, se convida à extensom da luita, da denúncia, do debate e da naturalizaçom da militância encarcerada.

Para tal efeito, contaremos com um apartado de novas muito geral que dará conta de acontecimentos que vaiam tendo lugar em relaçom ao Coletivo: acidentes de carro, encarceramentos, traslados, luitas, concentraçons… Também a realidade do Coletivo será brevemente debulhada num dos apartados centrais. Através da sua pequena história daremos conta das motivaçons do seu nascimento, dos seus comunicados, formas de organizaçom e luita. Assi mesmo, as pessoas que formam parte do Coletivo terám um apartado específico, onde se recolhe umha breve biografia pessoal e também o seu endereço em prisom para que as pessoas lhes podam escrever. Nesta mesma linha de popularizaçom da luita do Coletivo intramuros e do trabalho dos seus membros, contaremos com um apartado onde se recolherám contributos das próprias pessoas presas: entrevistas, artigos, debuxos…

O enlace está disponhível em:

https://network23.org/cpig/