arranO passados 27 de março, Arran, organizaçom da esquerda independentista catalana, convocava um acto diante da sede do Partido Popular baixo a legenda "a autodeterminaçom nom se negocia, referendum si ou si". Com esta acçom davam início à campanha "a organizaçom é a clave da vitória!" coa que pretendem pôr sobre a mesa a necessidade da organizaçom popular para fazer o referendo e ganhar a independência.

Depois daquela acçom do 27 de março, forom detidas seis pessoas polos Mossos e a polícia espanhola, o Partido Popular pide como acusaçom particular 6 anos de cadeia para cada um/a d@s jovens, por colar colantes na sede de dito partido.

A organizaçom juvenil vem de denunciar o desproporcionado das petiçons e hoje pola manha levava adiante um ato simbólico perante a Delegação do Governo onde racharom o escrito de acusaçom.

De ceivar fazemos nosso o berro das e dos jovens de Arran. Mão com mão, remexemo-nos umha e outra vez contra a repressom. Estendemos o braço da solidariedade desde a Galiza, para que cheguem os nossos azos até terras catalanas.

Adiante a solidariedade internacionalista!!!