Sin_ttuloPor segundo ano consecutivo o Organismo Popular Anti-repressivo CEIVAR acadou o primeiro prémio na categoria de “Maio Enxebre” com um desenho feito de madeira, musgo, gestas e outros materiais da flora do País. Após muitas horas de trabalho, a equipa representou um  Maio tradicional com forma piramidal.

Além de que em vários pontos da Galiza se faga esta celebraçom, em Ourense é umha data assinalada que se celebra a primeira fim de semana do mês de Maio para dar a bem-vinda à primavera e ao verao pastoral no que se levava o gando até os pastos dessa estaçom. Ao redor das construçons cantam-se coplas nas que com retranca, criticam-se várias situaçons, especialmente a política.

Igualmente, no recibimento do prémio um dos componhentes subiu até o palco para aproveitar e denunciar situaçom à que se vém submetidas/os as/os presas/os independentistas galegas/os e também criticar o emprego de umha imagem dum Maio elaborado por CEIVAR no programa municipal do Partido Popular da Cidade das Burgas.

Finalmente, desde CEIVAR agradecemos ao Espaço Cultural Aberto (ESCUA) por ter cedido o espaço para a preparaçom nos dias prévios do Maio.

maio